خلیج اردو
ایران کے پاسدارانِ انقلاب نے دعویٰ کیا ہے کہ امریکی جوابی حملوں کے بعد خطے میں موجود امریکی فوجی اڈوں کو نشانہ بنایا گیا ہے۔
ایرانی سرکاری میڈیا کے مطابق پیر کی صبح پاسدارانِ انقلاب نے دعویٰ کیا کہ اردن، کویت اور بحرین میں واقع امریکی فوجی اڈوں پر حملے کیے گئے ہیں۔
یہ دعویٰ امریکا کی جانب سے رات گئے کیے گئے جوابی فضائی حملوں کے بعد سامنے آیا ہے۔
تاحال امریکا کی جانب سے ایرانی دعوے کی باضابطہ تصدیق یا تردید نہیں کی گئی، جبکہ حملوں سے ہونے والے ممکنہ نقصان یا جانی نقصان کی بھی آزاد ذرائع سے تصدیق نہیں ہو سکی۔
