متحدہ عرب امارات میں پروازوں کا شیڈول متاثر، دبئی، ابوظہبی اور شارجہ سے متعدد پروازیں منسوخ اور تاخیر کا شکار

خلیج اردو
متحدہ عرب امارات میں بدھ 23 ستمبر کو دبئی، ابوظہبی اور شارجہ آنے اور جانے والی متعدد پروازیں منسوخ یا تاخیر کا شکار ہوئیں۔ متاثرہ پروازوں میں ایمریٹس، فلائی دبئی، ایئر عربیہ اور دیگر ایئرلائنز کی پروازیں شامل ہیں۔

پروازوں کی منسوخی اور تاخیر کے باوجود متحدہ عرب امارات کی ایئرلائنز تقریباً مکمل استعداد کے ساتھ آپریشن جاری رکھے ہوئے ہیں۔ مسافروں کو ہدایت کی گئی ہے کہ وہ اپنی پرواز کی تازہ صورتحال متعلقہ ایئرلائن کی ویب سائٹ سے باقاعدگی سے چیک کرتے رہیں۔

دبئی آنے اور جانے والی منسوخ پروازیں

ایمریٹس کی عمان سے دبئی آنے والی پرواز EK 902 منسوخ کردی گئی، جو شام 6 بج کر 35 منٹ پر دبئی پہنچنا تھی۔

فلائی دبئی کی ابہا کے لیے آنے اور جانے والی پروازیں FZ 816، کویت کے لیے FZ 8501، بصرہ کے لیے FZ 8502 اور اینٹی بی کے لیے FZ 8505 منسوخ کردی گئیں۔

کینیا ایئرویز کی نیروبی سے دبئی آنے والی KQ 304 اور واپس نیروبی جانے والی KQ 305 بھی منسوخ کردی گئیں۔

ایئربلیو کی لاہور سے دبئی آنے والی PA 410 اور واپس لاہور جانے والی PA 411 منسوخ ہوگئیں۔

تہران سے آنے والی ATA ایئرلائنز کی پرواز اور تہران جانے والی TBZ6608 بھی منسوخ کردی گئی۔

ہمالیہ ایئرلائنز کی کھٹمنڈو سے دبئی آنے والی H9 765 اور واپس کھٹمنڈو جانے والی H9 766 بھی منسوخ کردی گئیں۔

ابوظہبی اور شارجہ سے منسوخ پروازیں

ایئر عربیہ کی شارجہ سے گاسم، تبوک، دوحہ، بحرین، کویت اور اینٹی بی کے لیے متعدد پروازیں منسوخ کردی گئیں۔

لاہور سے ابوظہبی جانے والی ایئر سیال کی پرواز PF796 بھی منسوخ ہوگئی۔

دبئی آنے والی تاخیر کا شکار پروازیں

لندن ہیتھرو سے ایمریٹس کی پرواز EK 002 میں 37 منٹ، قاہرہ سے EK 924 میں ایک گھنٹہ 25 منٹ اور برسبین سے EK 435 میں 2 گھنٹے 31 منٹ کی تاخیر متوقع ہے۔

سینٹ پیٹرزبرگ سے فلائی دبئی کی FZ 992 میں ایک گھنٹہ 31 منٹ جبکہ منسک سے FZ 1716 میں 2 گھنٹے 22 منٹ کی تاخیر ہے۔

نئی دہلی سے اسپائس جیٹ کی SG 5105 میں 50 منٹ اور کوچی سے SG 5118 میں 7 گھنٹے 35 منٹ کی تاخیر ہے۔

انقرہ سے پیگاسس کی PC 1708 میں 43 منٹ کی تاخیر متوقع ہے، جبکہ نیروبی جانے والی کینیا ایئرویز کی KQ 311 میں 4 گھنٹے 30 منٹ کی تاخیر ہے۔

ابوظہبی آنے والی تاخیر کا شکار پروازیں

لندن ہیتھرو سے اتحاد ایئرویز کی EY064 میں ایک گھنٹہ 46 منٹ، اسی ایئرپورٹ سے EY066 میں 45 منٹ اور ایمسٹرڈیم سے EY042 میں 52 منٹ کی تاخیر متوقع ہے۔