خلیج اردو
متحدہ عرب امارات کے صدر شیخ محمد بن زاید النہیان نے جرمنی کے سرکاری دورے کے دوران وہاں علاج کے لیے موجود اماراتی شہریوں کے لیے خصوصی تحفہ بھیجا، جس کی ویڈیوز سوشل میڈیا پر وائرل ہوگئیں۔
ویڈیوز میں دیکھا جاسکتا ہے کہ جرمنی میں زیر علاج اماراتی مریضوں کو ایک خصوصی کیئر پیکج دیا گیا، جس کے ساتھ صدر شیخ محمد بن زاید النہیان کا ایک پیغام بھی موجود تھا۔
پیغام میں لکھا تھا کہ "میں اللہ تعالیٰ سے دعا کرتا ہوں کہ وہ آپ کو جلد صحت یابی عطا فرمائے، آپ کو اچھی صحت اور فلاح و بہبود نصیب کرے اور آپ جلد بہترین صحت کے ساتھ اپنے خاندان اور وطن واپس لوٹیں۔”
کیئر پیکج میں چاکلیٹس، شہد کے جار اور پھولوں کا گلدستہ شامل تھا، جسے صدر کی جانب سے شہریوں کے لیے محبت اور خیرخواہی کے اظہار کے طور پر دیکھا جا رہا ہے۔
یہ پہلا موقع نہیں کہ یو اے ای صدر نے شہریوں اور رہائشیوں کے لیے ایسے چھوٹے مگر یادگار اقدامات کیے ہوں۔ اس سے قبل بھی ان کے مختلف عوامی رابطوں کے واقعات سوشل میڈیا پر زیر بحث آتے رہے ہیں۔
گزشتہ ماہ ابوظہبی کے مشرف مال میں خریدار اس وقت حیران رہ گئے جب شیخ محمد بن زاید النہیان لولو ہائپر مارکیٹ پہنچے اور وہاں موجود افراد سے مصافحہ کیا۔ اس موقع پر انہوں نے ایک شہری کے سلام کا جواب ہاتھ سینے پر رکھ کر دیا، جسے عوامی سطح پر بے حد سراہا گیا۔
