خلیج اردو
19 اکتوبر 2020
عاطف خان خٹک
کراچی: پاکستان کے سب سے بڑے شہر کراچی میں پولیس نے پاکستان ڈیموکریٹک موومنٹ اور مسلم لیگ ن کی رہنما مریم نواز کے شوہر کیپٹن ریٹائرڈ صفدر اعوان کو گرفتار کر لیا ہے۔ مریم نواز نے الزام لگایا ہے کہ پولیس نے ان کے ہوٹل کا دروازہ توڑا ہے۔
اپنے ٹویٹر بیان میں مریم نواز نے لکھا ہے کہ جس ہوٹل میں وہ ٹھہری تھی ، پولیس اس میں داخل ہوئی اور میرے کمرے کا دروازہ توڑ کر کیپٹن صفدر کو گرفتار کر لیا۔
Police broke my room door at the hotel I was staying at in Karachi and arrested Capt. Safdar.
— Maryam Nawaz Sharif (@MaryamNSharif) October 19, 2020
گزشتہ روز پاکستان کے پارلیمانی جماعتوں کی جانب سے بنائے گئے اتحاد پاکستان ڈیموکریٹک موومنٹ کا کراچی میں ایک بڑا جلسہ معنقد کیا گیا۔ جلسے سے قبل مزار قائد پر جب مریم نواز حاضری دے رہی تھی تو ان کے شوہر کیپٹن صفدر بھی ان کے ہمراہ موجود تھے۔
اس وقت ہنگامی آرائی اور نعرے بازی میں مرکزی حکومت کے چند وزار کے بقول مزار قائد کی توہین ہوئی جس کے خلاف ان حکومتی عہدیداروں کی جانب سے کارروائی کا مطالبہ کیا گیا ہے۔
وفاقی وزیر علی زیدی نے نے ٹویٹر پیغام میں اس واقعے کے خلاف ایف آئی آر درج کرانے کا بتایا ہے اور ایف آئی آر کی کاپی ٹویٹ سے منسلک کی ہے۔
FIR against hooligans has been lodged at Brigade PS! Proud of our MPA’s, party workers & all those who stood all night as promised till the SHO received “a nod“ from his superiors to register the case. We must ensure action on this FIR before the culprits escape from KHI. https://t.co/jjrtWgSX8R pic.twitter.com/tQYs9wMgD9
— Ali Haider Zaidi (@AliHZaidiPTI) October 19, 2020
دوسری طرف مسلم لیگ ن رہنما پرویز رشید نے اس گرفتاری کے بارے میں بتایا ہے کہ پولیس نے جو ایف آٗی آر درج کی ہے اس میں کیپٹن صفدر کی جانب سے مادرملت کو عزت دو کا نعرہ لگانے پر گرفتار کیا گیا ہے۔
ایف آئ آر کے مطابق کیپٹن (ر) صفدر کو “ مادر ملت کو عزت دو” کے نعرے مزار قائد اعظم پر کھڑے ہو کر بلند کرنے پر گرفتار کیا گیا ہے۔ کیا قائد کے اقوال کو دہرانا اور ان پر عمل کا عہد کرنا جرم ہے ؟
— Pervaiz Rashid (@SenPervaizRd) October 19, 2020
تاہم حکومتی موقف یہ ہے کہ کیپٹن صفدر نے مریم نواز کو مادر ملت کہا ہے جس سے بانی پاکستان محمد علی جناح کی بہن فاطمہ جناح جن کو ملکی سلطح پر مادر ملت کہا جاتا ہے ، کی توہین کی ہے۔۔
سوشل میڈیا پر کیپٹن صفدر کی گرفتاری پر ملی جلے ردعمل کا اظہار کیا جارہا ہے۔ سوشل میڈیا پر ایک ویڈیو بھی زیر گردش ہے جس میں کیپٹن صفدر ووٹ کو عزت دو کے نعرے لگارہے ہے جس کے بعد وہ پولیس وین میں بیٹھتا ہے۔
کیپٹن صفدر گرفتاری کے وقت بھی ووٹ کو عزت دو مادر ملت زندہ باد کے نعرے لگاتے رہے pic.twitter.com/x6KZ44xLhY
— Sabir Mehmood Hashmi (@SabirMehmood26) October 19, 2020
یہاں یہ بات قابل ذکر ہے کہ سندھ میں پاکستان پیپلز پارٹی کی حکومت ہے جو مسلم لیگ ن کی اتحادی ہے۔ سندھ حکومت کی جانب سے اس گرفتاری کے بارے میں کوئی بیان جاری نہیں ہوا۔
