متحدہ عرب امارات کیلئے سفر: کیوں مسافروں کو سفری انشورنس لازمی کرنی چاہیئے؟

خلیج اردو

دبئی: کرونا وائرس کے کیسز میں کمی کے بعد روزمرہ کے سفر میں اضافہ ہوا ہے۔ مسافروں کا اعتماد بڑھ گیا ہے اور ایسے میں سفری انشورنس میں بھی اضافہ کیا گیا ہے۔

انشورنس انڈسٹری ایگزیکٹیوز کا کہنا ہے کہ انشورنس کا خرچہ بہت کم یعنی صرف ایک درہم سے شروع ہوتا ہے اور پانچ سو درہم تک پہنچتا ہے۔ اس کا انحصار مسافر کے سفری پلان پر ہے۔

زیادہ تر حکومتوں نے متحدہ عرب امارات سمیت غیر ملکیوں کے لیے اپنی سرحدیں کھول دی ہیں، جس کے نتیجے میں عالمی مسافروں کی آمدورفت میں اضافہ ہوا ہے۔ مقامی ہوائی اڈوں کے تازہ ترین اعداد و شمار سے پتہ چلتا ہے کہ گزشتہ سال مسافروں کی آمدورفت میں خاطر خواہ اضافہ ہوا جس کے ساتھ دبئی انٹرنیشنل ایئرپورٹ میں 12.7 فیصد اضافے کے ساتھ 29.11 ملین ہو گئے جبکہ ابوظہبی بین الاقوامی انٹرنیشنل ایئرپورٹ نے 2021 میں 5.26 ملین مسافروں کو سفری سہولت دی ہے جو کہ 46 فیصد اضافہ ہے۔

جولین آڈریز کے تبصروں کی بازگشت کرتے ہوئے انس مستریحی، چیف آپریٹنگ آفیسر، الوتبہ نیشنل انشورنس کمپنی، نے کہا کہ کرونا وبائی بیماری کے پھیلنے کے بعد ٹریول انشورنس کی مانگ میں اضافہ ہوا ہے کیونکہ پیکجوں میں تبدیلی کی گئی ہے تاکہ کرونا کوریج اور مزید شامل ہوں۔

مسافروں کے لیے سفری انشورنس حاصل کرنا لازمی ہو گیا خواہ اندرون ملک ہوں یا باہر جانے والے۔ ٹریول انشورنس محفوظ سفر اور ہنگامی طبی اخراجات، پرواز کی منسوخی، سامان میں تاخیر، اور مزید کے لیے کوریج کو یقینی بنانے کے لیے کلیدی حیثیت رکھتا ہے۔

Source: Khaleej Times