کیا رمضان میں آپ کے علاقے میں بھیک مانگنے والوں میں اضافہ ہوا ہے؟ ابوظہبی پولیس نے کہا ہے کہ بھیک کے رجحان کو روکنے کے لئے معاشرتی تعاون بہت ضروری ہے۔ "لوگوں سے کہا جارہا ہے کہ وہ 999 پر کال کرکے پولیس کو کسی بھی غیر قانونی سرگرمی کی اطلاع دیں۔”
افسران نے بتایا ہے کہ رمضان کے دوران عام طور پر بھکاریوں میں اضافہ ہوجاتا ہے تاکہ وہ لوگوں کی سخاوت کا فائدہ اٹھاسکے۔ "بھیک مانگنا ایک معاشرتی لعنت ہے-
انہوں نے مزید کہا کہ "بھکاری ، مقدس مہینے کے دوران لوگوں کی ہمدردی کا فائدہ اٹھا رہے ہیں جیسے کہ کوویڈ-19 کی موجودہ صورتحال کی وجہ سے ، روزگار میں کمی اور دیگر وجوہات کی بنا پر ، کھانے کی کمی ، بنیادی ضروریات اور اسکول کی فیسوں کی کمی جیسی کہانیاں بنا رہے ہیں۔
ابوظہبی پولیس نے بھیک مانگنے والوں کو خبردار کیا کہ آگر کوئی بھیک مانگتا نظر آیا تو اسکے خلاف قانونی کارروائی کی جائے گی اور سزا دی جائے گی۔ "حکومت نے خیراتی کاموں کے لئے سرکاری چینلز لگائے ہیں-کوویڈ۔19 سے متاثرہ افراد ان اداروں میں اپنا اندراج کروائیں تاکہ ان تک پہنچنے والے عطیات کو یقینی بنایا جاسکے۔”
ابوظہبی پولیس کی جانب سے رمضان المبارک کے دوران بھیک مانگنے کے منفی اثرات کے بارے میں لوگوں کی بیداری کے لئے ، سوشل نیٹ ورک سائٹس اور دیگر ذرائع ابلاغ کے ذریعہ کوششیں تیز کردی گئی ہیں۔ عوام کی حفاظت کو یقینی بنانے اور برے سلوک کو روکنے کے لئے ابوظہبی میں پولیس اسٹیشنز میں ایک سیکیورٹی پلان تیار کیا گیا ہے۔ رمضان کے دوران بھیک مانگنے پر پولیس کی کارروائی کے ایک حصے کے طور پر معائنہ کرنے کے لئے خصوصی ٹیمیں تشکیل دی گئیں ہیں۔
Source : Khaleej Times
27 April 2020
