دبئی اکانومی میں کمرشل کمپلائن اینڈ کنزیومر پروٹیکشن (CCCP) کے شعبے نے 13 دکانیں بند کردی ہیں اور 211 کو وارننگ جاری کی ہے – مارکیٹ کے دوبارہ آغاز کے مرحلے کے دوران اختیار کیے جانے والی احتیاطی تدابیر پر عمل نہ کرنے پر 18 دیگر افراد پر جرمانے عائد کردیئے گئے ہیں۔
امارات کے مالز اور ہائی اسٹریٹ مارکیٹوں میں (CCCP) کے ذریعہ کیے گئے معائنے کے دوران خلاف ورزیوں کا پتہ لگایا گیا ، جن میں زیادہ تر ماسک اور دستانےنہ پہننا ، سماجی دوری اختیار نہ کرنا شامل ہے-
جبکہ معائنہ کی گئی ہائی اسٹریٹ دکانوں میں سے 249 نے احتیاطی ہدایات کی مکمل تعمیل کی ، 13 کو بند کردیا گیا ، 100 کو خبردار کیا گیا ، اور 11 پر مختلف خلاف ورزیاں کرنے پر جرمانہ عائد کیا گیا۔
بند کی گئی دکانیں ستوا ، الرفاع ، سوق الکبیر ، کراما ، الکوسیس ، الراس ، ہور ال انز ، فرج مرار ، البراہا، راشدیہ ، الموتینا ، ابو حائل ، نائف ، جمیرا ، الوصل ، خوانیج ، انٹرنیشنل سٹی ، اویر ، ایاال ناصر ، لانڈری ، ریڈی میڈ گارمنٹس ٹریڈنگ ، موبائل فون ٹریڈنگ ، گری دار میوے کی تجارت ، تالوں کی مرمت ، عمارت سازی سامان کی تجارت ، اور الیکٹرانکس کی مرمت سے متعلق مختلف سرگرمیوں میں مصروف تھیں-
اس کے علاوہ دیرا اور بر دبئی میں 8 شاپنگ مالز کا بھی معائنہ کیا گیا اور ان مالز میں موجود 111 دکانوں کو معاشرتی فاصلاتی اسٹیکر نہ رکھنے اور احتیاطی تدابیر کے دوسرے اقدامات نہ کرنے پر خبردار کیا گیا –
یہ معائنہ صبح کے اوقات میں مارکیٹ کے آغاز کے ساتھ ہی شروع ہوا اور بازاروں کے بند ہونے تک جاری رہا۔ دبئی اکانومی نے تاجروں کو کوویڈ- 19 کی احتیاطی تدابیر ، جیسے ماسک اور دستانے پہننا ، معاشرتی فاصلے کو یقینی بنانا اور قومی ڈس انفیکشن پروگرام کے دوران شام 10 بجے سے صبح 6 بجے کے درمیان تجارتی سرگرمیاں کو انجام نہ دینے کو یقینی بنانے کی ہدایت کی ہے-
دبئی اکانومی نے صارفین سے مطالبہ کیا ہے کہ وہ ایپل ، گوگل ، اور ہواوئ اسٹورز پر دستیاب دبئی کنزیومر ایپ کے ذریعے کوویڈ ۔19 کی احتیاطی ہدایات پر عمل نہ نہ کرنے والوں کے خلاف ، 600545555 پر کال کرکے ، یا http://consumerrights.ae ویب سائٹ پر شکایت درج کروائیں-
Source : Khaleej Times
28 April 2020
