خلیج اردو
واشنگٹن: سابق امریکی صدر ڈونلڈ ٹرمپ اور یوکرینی صدر وولودیمیر زیلنسکی کے درمیان وہائٹ ہاؤس میں ملاقات کے دوران تلخی دیکھنے میں آئی۔ میڈیا سے گفتگو کے دوران ٹرمپ نے زیلنسکی کو سختی سے جنگ ختم کرنے کی تاکید کرتے ہوئے کہا کہ وہ تیسری جنگ عظیم کے ساتھ کھیل رہے ہیں۔
ملاقات کے بعد مشترکہ میڈیا ٹاک کے دوران ٹرمپ نے زیلنسکی کو مخاطب کرتے ہوئے کہا کہ "آپ کو ہمارا شکر گزار ہونا چاہیے”۔
اسی دوران جب امریکی نائب صدر جے ڈی وینس نے گفتگو شروع کی تو زیلنسکی نے کہا، "چیخیں مت!” جس پر ٹرمپ نے فوری ردِعمل دیتے ہوئے کہا کہ "جے ڈی وینس چیخ نہیں رہے، وہ بات کر رہے ہیں، زیلنسکی، آپ کو اپنا رویہ تبدیل کرنا ہوگا، یہ شکر گزار ہونے والا رویہ نہیں ہے۔”
ٹرمپ نے مزید کہا کہ "اگر میں صدر ہوتا تو یوکرین اور روس کے درمیان جنگ شروع ہی نہ ہوتی۔ اگر میں نے جنگ ختم کرا دی تو مجھے امن کے علمبردار کے طور پر یاد رکھا جائے گا۔”
میڈیا گفتگو میں تلخ جملوں کے تبادلے کے بعد دونوں صدور کی طے شدہ مشترکہ پریس کانفرنس بھی منسوخ کر دی گئی۔
یہ ملاقات بین الاقوامی سیاست میں ایک نئی کشیدگی کو جنم دے سکتی ہے، جبکہ امریکی انتخابات کے تناظر میں ٹرمپ کی یہ گفتگو عالمی سطح پر بھی خاصی توجہ حاصل کر رہی ہے۔
