خلیج اردو
دبئی – 3 جولائی 2025ء
ایمیزون نے متحدہ عرب امارات میں خریداری کے شوقین صارفین کے لیے ایک نیا اور منفرد سیکشن ’ایمیزون بازار‘ متعارف کرا دیا ہے، جس میں صرف 1 درہم سے شروع ہونے والی کم قیمت اشیاء، تیز رفتار ڈیلیوری اور خصوصی رعایتیں فراہم کی جا رہی ہیں۔
نئے سیکشن کی سب سے خاص بات یہ ہے کہ یہاں فیشن، ہوم ڈیکور، لائف اسٹائل اور دیگر اشیاء کی ایک بڑی رینج صرف درہم 25 سے کم قیمت پر دستیاب ہے، جن میں سے بعض صرف درہم 1 میں بھی خریدی جا سکتی ہیں۔
15 منٹ میں ڈیلیوری
ایمیزون بازار میں کچھ ضروری اشیاء جیسے گھریلو آلات، کھانے پینے کا سامان، سبزیاں اور روزمرہ کی ضروریات پر مشتمل مصنوعات کے لیے 15 منٹ میں ڈیلیوری کی سہولت دی گئی ہے۔
25 فیصد رعایت اور خصوصی آفرز
بازار کے ابتدائی ایک ماہ کے دوران صارفین کو تمام آرڈرز پر 25 فیصد رعایت بھی دی جا رہی ہے۔ اس کے علاوہ:
-
درہم 25 سے کم کی ڈیلز کا الگ سیکشن
-
ہفتہ وار سوپر سیورز
-
’’کریزی لو پرائس‘‘ ڈیلز
-
درہم 150 سے زائد آرڈر پر 5 فیصد اضافی رعایت
-
درہم 300 سے زائد آرڈر پر 10 فیصد رعایت
صرف موبائل ایپ پر دستیاب
ایمیزون بازار کا تجربہ صرف موبائل پر ممکن ہے۔ صارفین Amazon.ae ایپ میں بائیں جانب اوپر ’بازار‘ کے بٹن پر کلک کر کے یا ’Bazaar‘ تلاش کر کے یہ سیکشن استعمال کر سکتے ہیں۔
اگر صارف کمپیوٹر پر ہیں تو QR کوڈ اسکین کر کے موبائل ایپ پر منتقل ہونا ہوگا۔ ایمیزون بازار موبائل براؤزر کے ذریعے amazon.ae/bazaar پر بھی دستیاب ہے۔
فری شپنگ اور ریٹرن پالیسی
درہم 90 یا اس سے زائد کے آرڈرز پر مفت شپنگ کی سہولت دی جا رہی ہے، جبکہ ایمیزون پرائم صارفین کو ہر آرڈر پر مفت ڈیلیوری حاصل ہوگی۔
مصنوعات عموماً 6 سے 12 دن میں پہنچ جاتی ہیں، اور بیشتر اشیاء پر 15 دن کے اندر فری ریٹرن کی سہولت بھی دستیاب ہے۔
عام صارفین کے لیے کب دستیاب؟
ایمیزون بازار فی الحال منتخب صارفین کے لیے بیٹا ورژن میں جاری کیا گیا ہے، لیکن کمپنی نے اعلان کیا ہے کہ آئندہ ہفتوں میں یہ تمام صارفین کے لیے دستیاب ہوگا۔
