خلیج اردو
نئی دہلی: بھارت کی ریاست کیرالا کے سابق وزیراعلیٰ اور کمیونسٹ پارٹی آف انڈیا (مارکسسٹ) کے سرکردہ رہنما وی ایس اچیوتانندن پیر کے روز 101 برس کی عمر میں انتقال کر گئے۔
وہ 2006 سے 2011 تک کیرالا کے وزیراعلیٰ رہے اور مزدور تحریکوں کے ایک فعال رہنما سمجھے جاتے تھے۔ طویل عرصے سے علیل ہونے کے باعث وہ گزشتہ کچھ برسوں سے بستر پر تھے۔
کمیونسٹ پارٹی نے ان کی وفات پر خراج تحسین پیش کرتے ہوئے کہا کہ وہ "ایک ایسے جدوجہد کرنے والے رہنما تھے جنہوں نے مزدور طبقے کی ترقی کو اپنی کمیونسٹ سوچ کے تحت مضبوط کیا اور کیرالا میں متعدد تحریکوں کی قیادت کی۔”
کانگریس کے رہنما ششی تھرور نے بھی سوشل میڈیا پلیٹ فارم ایکس پر تعزیتی پیغام میں انہیں کیرالا کی کمیونسٹ تحریک کا ایک عظیم رہنما قرار دیا، جو معمولی پس منظر سے ابھر کر عوامی مقبولیت کی بلند سطح تک پہنچے۔
ششی تھرور نے مزید لکھا، "انہیں ان کے لاکھوں چاہنے والے شدت سے یاد کریں گے۔
