راس الخیمہ کے حکمران نے لیفٹیننٹ جنرل سیف الشعفر کو اعزاز سے نوازا

خلیج اردو: سپریم کونسل کے ممبر اور راس الخیمہ کے حکمران شیخ سعود بن ساکر ال قاسمی نے وزارت داخلہ میں اپنے کیریئر کے دوران جرات ، عقیدت اور ممتاز کارناموں کے اعتراف میں لیفٹیننٹ جنرل سیف عبد اللہ الشعفر کو ، اعزاز سے نوازا۔

یہ اعزازی تقریب ، جو ثقر بن محمد شہر میں واقع سعود محل میں ہوئی، اس سلسلے میں راس الخیمہ کے ولی عہد شہزادہ ، شیخ محمد بن سعود بن ساکر القاسمی نے شرکت کی۔

شیخ سعود نے راس الخیمہ پولیس کے کمانڈر انچیف میجر جنرل علی عبداللہ بن الوان النعمی کی موجودگی میں لیفٹیننٹ جنرل الشعفر کو تمغہ اور تعریفی سرٹیفکیٹ دیا۔

الشعفر نے شیخ سعود کے اقدام کی تعریف کرتے ہوئے ان کی توجہ اور قابلیت کو اجاگر کیا۔

انہوں نے شیخ سعود کے پرتپاک استقبال اور اعزاز دینے پر ان کا شکریہ بھی ادا کیا۔

شیخ سعود نے زور دے کر کہا کہ لیفٹیننٹ جنرل الشعفر حب الوطنی ، وفاداری اور عقیدت کے ساتھ ساتھ متحدہ عرب امارات میں سلامتی اور حفاظت کو برقرار رکھنے کے لئے اپنے فرائض کی انجام دہی کے عزم کی ایک مثال ہیں۔

انہوں نے وزارت داخلہ میں اپنے پانچ دہائیوں کے کیریئر میں لیفٹیننٹ جنرل الشفر کے حب الوطنی اور ان کے کارناموں کو بھی سراہا۔

"آج ہم ایک ایسے لیڈر کی ایک قابل احترام مثال دیکھ رہے ہیں جس کی کامیابیوں نے پانچ دہائیوں کے دوران متحدہ عرب امارات میں پولیس کی کامیابی کو یقینی بنایا ہے۔ لیفٹیننٹ جنرل الشعفر کا احترام کرتے ہوئے ، ہم ان کی گرانقدر خدمات اور کاوشوں کا جشن منا رہے ہیں۔” سعود نے کہا