دبئی: خلیجی خطے میں سفر اب پہلے سے کہیں زیادہ آسان ہونے والا ہے، اور یہ خوشخبری صرف سیاحوں کے لیے نہیں بلکہ متحدہ عرب امارات کے رہائشیوں کے لیے بھی ہے۔ جلد متعارف کرایا جانے والا "جی سی سی متحدہ ویزہ” خلیجی ممالک کے درمیان آزادانہ آمد و رفت کی اجازت دے گا، جس سے یو اے ای کے باشندوں کے سفر اور انشورنس کے نظام میں بڑی تبدیلی متوقع ہے۔
ٹریول انشورنس کے شعبے کے لیے یہ پیش رفت انتہائی اہم قرار دی جا رہی ہے۔ ماہرین کے مطابق جیسے جیسے سرحدی پابندیاں کم ہوں گی، مسافروں کی توقعات اور ترجیحات میں نمایاں تبدیلی آئے گی، اور بیمہ کمپنیوں نے نئی طلب کے مطابق اپنی پالیسیاں ترتیب دینا شروع کر دی ہیں۔
