متحدہ عرب امارات : ایئرپورٹ پر اب چند گھنٹوں میں کرونا ٹیسٹ کے نتائج حاصل کریں

خلیج اردو
20 مئی 2021
دبئی : دبئی ایئرپورٹ ایک ایسی لیبارٹری کا قیام ممکن بنا رہی ہے جو مسافروں کو ایئرپورٹ پر 3 سے 4 گھنٹوں میں ٹیسٹ کا نتیجہ فراہم کرے گی۔

دبئی ایئرپورٹ کے سی ای او پاؤل گریفتھ کا کہنا ہے کہ ایئرپورٹ حکام ٹرمینل 2 پر ایک لیبارٹری کا قیام عمل میں لارہے ہیں جہاں پی سی آر ٹیسٹ کا نتیجہ 3 سے 4 گھنٹوں میں ملے گا۔

بدھ کے روز عربین ٹریول مارکیٹ 2021 سے خطاب کرتے ہوئے انہوں نے کہا کہ دبئی ایئرپورٹ پر مسافروں کی تعداد زیادہ ہونے کی وجہ سے کسی بھی قسم کا سیکورٹی بوجھ نہیں پڑا ہے۔ ہم سیکورٹی کے ساتھ ساتھ طبی حفظان صحت کے اصولوں کا خاص خیال رکھتے ہیں اور کسی بھی قسم کی کوتاہی نہیں آنے دیتے۔

مسٹر پاؤل نے کہا کہ اگر دنیا بھر میں بائیومیٹرک ویکسین پاسپورٹ کا اجراء ہوا تو ممکن ہے کہ یہ پی سی آر ٹیسٹ کے متبادل کے طور پر آئے۔

انہوں نے کہا کہ ہم پہلے ہی کرونا وائرس کے حوالے سے ایسے اپلیکیشن ایکٹیویٹ کرچکے ہیں جو لوگوں کو ویکسین لگوانے کی حیثیت ظاہر کرتی ہیں۔ اگر دوسرے ممالک بھی ایسا ہی کام کر رہے ہیں تو ہمیں اس میں شامل ہونے کی ضرورت ہے اور آئی اے ٹی اے کے توسط سے ہم اس میں شامل ہوسکیں گے۔

سی ای او نے زور دے کر کہا کہ ایئرپورٹس یا ایئر لائنز ڈیجیٹل ویکسینیشن پاسپورٹ کے ذریعے مسافروں کی پرائیویسی پر اثر انداز نہیں ہونی چاہیئے۔

انہوں نے کہا کہ ہمیں آپ کی صحت کی حیثیت جاننے کی ضرورت نہیں ہے۔ ہمیں صرف اتھارٹی کے ذریعہ آگاہ کرنے کی ضرورت ہے جو آپ کے ملک میں آپ کی صحت کی نگرانی کر رہی ہے کہ آپ کی صحت بہتر ہے۔

انہوں نے کہا کہ ویکسین پاسپورٹ ایسے موبائل والٹ کی طرح ہوں گے جوکسی صارف کو بتائے بغیر ادائیگیوں پر کارروائی کرتے ہیں کہ صارف کے پاس بینک میں کتنی رقم ہے۔ اسی طرح ویکسین کے پاسپورٹ آسانی سے ایئر لائنز اور ہوائی اڈوں کو یہ بتاسکیں گے کہ آیا کوئی مسافر انکشاف کیے بغیر محفوظ کردہ معلومات کی بنا پر سفر کرنا محفوظ ہے یا نہیں۔

گریفتھ نے کہا کہ کرونا وائرس کے بعد کی زندگی بہتر ہوگی۔ کرونا وائرس نے ایوی ایشن انڈسٹری میں کافی بہتری لائی ہے اور سب کچھ اب بہتر اور تیز ہو گیا ہے۔ یہ شاید ایوی ایشن کو بہت پہلے ضرورت تھی لیکن کرونا کی وجہ سے یہ ضرورت پوری ہوئی۔

Source : Khaleej Times