اپنے بچے کو پیدائش کے پندرہ منٹ کے بعد قتل کرنے والی سنگدل ماں کو سخت سزا سنا دی گئی، خبردار اس رپورٹ کے کچھ حصے آپ کیلئے تکلیف دہ ہو سکتے ہیں

خلیج اردو
دبئی : متحدہ عرب امارات میں ایک سنگدل ماں کو اس کے اپنے ہی بچے کے قتل میں جیل کی سزا سنا دی گئی۔ تفصیلات کے مطابق 28 سالہ خاتون کو اپنے بچے کی پیدائش کے 15 منٹ بعد جان بوجھ کر قتل کرنے کے جرم میں خاتون کو سات سال قید کی سزا سنادی گئی ہے۔

خاتون نے اپنے بچے کی لاش کو کچرے کے ڈھیر میں پھینکنے سے پہلے اسے تین دن تک ایک تھیلے میں رکھا۔ اس کی گرفتاری سے چند دن پہلے ایک نوجوان نے شکایت کی تھی کہ اس نے ایک عورت کی چیخیں سنی ہیں اور یہ ایسی تھیں جیسے کہ درد زہ میں مبتلا کسی خاتون کی ہوں۔

تین دن بعد اس نے متعلقہ عمارت کے کوریڈور میں ایک عورت کو بیگ اٹھاتے ہوئے دیکھا اور مدد کی پیشکش کی۔

اس کے بعد مرد خاتون کے ساتھ ٹیکسی میں چلا گیا۔ اس نے اسے بتایا کہ وہ بیگ کو کسی اور علاقے میں ٹھکانے لگانے کا منصوبہ بنا رہی ہے۔

اس شخص نے پھر اسے اپنے کمرے میں واپس آنے کو کہا اور اس سے وعدہ کیا کہ وہ اس کے بجائے ایسا کرے گا۔ اس کے بعد اس نے پولیس کو اطلاع دی جس نے چند منٹوں میں خاتون کو گرفتار کیا۔ ۔

پولیس کے سامنے اپنے اعترافی بیان میں خاتون نے کہا کہ وہ ایک رشتے میں تھی جس کی وجہ سے وہ حاملہ ہو گئی تھی۔ اس نے بتایا کہ اس نے الریگا میں اپنی مشترکہ رہائش گاہ میں بچے کو جنم دیا ہے۔

خاتون کے مطابق اس نے اپنے روتے ہوئے بچے کو بستر پر بٹھا کر تکیے سے اس کا دم گھٹانے کی کوشش کی جس سے اس کی موت ہو گئی۔ تین دن تک خاتون نے لاش کو اپنے کمرے میں چھپائے رکھا اور بعد میں اسے ایک بیگ میں ڈالنے کے بعد اسے چادر سے ڈھانپ کر پھینکنے کی کوشش کی۔

دبئی پولیس نے اسے گرفتار کیا اور اسے سات سال قید کی سزا سنائی گئی ہے۔ جرم کی سزا کی مدت پوری ہونے کے بعد اسے ملک بدر کر دیا جائے گا۔

Source: Khaleej Times