خلیج اردو
شارجہ: شارجہ حکومت نے 10 سال سے زائد پرانے تمام ٹریفک جرمانے معاف کرنے کا اعلان کر دیا ہے، البتہ کچھ شرائط اور استثنیات لاگو ہوں گی۔
یہ فیصلہ منگل کے روز شارجہ ایگزیکٹو کونسل کے اجلاس میں کیا گیا، جس کی صدارت شارجہ کے نائب حکمران اور ایگزیکٹو کونسل کے نائب چیئرمین شیخ عبداللہ بن سالم القاسمی نے کی۔
کونسل کے مطابق، وہ تمام ٹریفک جرمانے جو شارجہ پولیس جنرل کمانڈ کے تحت ریکارڈ کیے گئے ہوں اور جن پر 10 سال یا اس سے زیادہ کا عرصہ گزر چکا ہو، انہیں خودکار طور پر معاف کر دیا جائے گا۔
درخواست فیس اور استثنیات:
فیصلے کے مطابق، جرمانے کی معافی کی درخواست دینے پر 1000 درہم فیس لاگو ہو گی، تاہم درج ذیل صورتوں میں اس فیس سے استثنیٰ حاصل ہو گا:
-
اگر گاڑی کے مالک کے انتقال کی تصدیق ہو جائے
-
اگر گاڑی کا مالک پچھلے 10 سال سے مسلسل ملک سے باہر ہو
-
اگر گاڑی کو ترک کر دیا گیا ہو اور مالک سے رابطہ نہ ہو پا رہا ہو
یہ فیصلہ ان افراد کے لیے بڑی رعایت ثابت ہو سکتا ہے جن کی گاڑیاں برسوں سے غیر فعال ہیں یا جن کے واجبات کسی مجبوری کی وجہ سے ادا نہیں ہو سکے۔
