خلیج اردو
امریکی صدر ڈونلڈ ٹرمپ نے اعلان کیا ہے کہ آبنائے ہرمز کو کھولنے اور وہاں پھنسے جہازوں کو نکالنے کیلئے امریکا “پراجیکٹ فریڈم” کا آغاز کر رہا ہے، جو مشرق وسطیٰ کے وقت کے مطابق آج صبح شروع ہوگا۔
صدر ٹرمپ کا کہنا تھا کہ امریکا کے نمائندے ایران کے ساتھ انتہائی مثبت بات چیت کر رہے ہیں، اور یہ عمل تمام فریقین کیلئے فائدہ مند ثابت ہو سکتا ہے۔ انہوں نے اس پیش رفت کو خطے میں کشیدگی کم کرنے کی اہم کوشش قرار دیا۔
امریکی صدر کے مطابق غیر جانبدار ممالک کے جہازوں اور عملے کو محفوظ راستہ فراہم کیا جائے گا، جبکہ امریکا نے اس اقدام کو انسانی ہمدردی کی بنیاد پر اٹھایا گیا قدم قرار دیا ہے، جس سے خیر سگالی کو فروغ مل سکتا ہے۔
انہوں نے خبردار کیا کہ اگر اس انسانی اقدام میں کسی قسم کی رکاوٹ ڈالی گئی تو سخت ردعمل دیا جائے گا، جبکہ غیر جانبدار ممالک نے بھی کہا ہے کہ ان کے جہاز آبنائے ہرمز میں پھنسے ہوئے ہیں اور انہیں محفوظ راستے کی ضرورت ہے۔
ماہرین کے مطابق یہ پیش رفت اگر عملی شکل اختیار کرتی ہے تو خطے میں تجارتی سرگرمیوں اور عالمی توانائی سپلائی پر مثبت اثرات مرتب ہو سکتے ہیں۔
