2017: اماراتی پیرا اولمپئن کی ہلاکت، یو کے ایتھلیٹکس کا اعترافِ جرم

خلیج اردو
برطانوی ادارے UK Athletics نے 2017 میں اماراتی پیرا اولمپئن عبداللہ حیائی کی ہلاکت کے معاملے میں کارپوریٹ مین سلاٹر کا جرم قبول کر لیا ہے۔

عبداللہ حیائی United Arab Emirates سے تعلق رکھتے تھے اور وہ 2017 ورلڈ پیرا ایتھلیٹکس چیمپئن شپ کی تیاری کے سلسلے میں Newham Leisure Centre، London میں ٹریننگ کر رہے تھے کہ اس دوران دھاتی تھروئنگ کیج ان پر گر گئی۔

36 سالہ ایتھلیٹ، جنہوں نے 2016 Summer Paralympics میں جیولن تھرو اور شاٹ پٹ مقابلوں میں ڈیبیو کیا تھا، موقع پر ہی جاں بحق ہوگئے تھے۔

گزشتہ برس UK Athletics پر کارپوریٹ مین سلاٹر کا الزام عائد کیا گیا تھا اور ادارے نے ابتدائی طور پر جرم سے انکار کیا تھا، تاہم جمعہ کے روز ادارے کے وکیل سائمن اینٹروبَس نے عدالت میں مؤقف تبدیل کرتے ہوئے جرم قبول کر لیا۔

اسی کیس میں 2017 ورلڈ پیرا ایتھلیٹکس چیمپئن شپ کے ہیڈ آف اسپورٹ کیتھ ڈیوس نے بھی ہیلتھ اینڈ سیفٹی ایٹ ورک ایکٹ کے تحت جرم کا اعتراف کیا ہے۔

عدالت کی جانب سے UK Athletics اور کیتھ ڈیوس کو جون میں سزا سنائے جانے کا امکان ہے، جبکہ ادارے نے ایک بیان میں عبداللہ حیائی کے اہل خانہ اور ساتھیوں سے گہرے دکھ اور افسوس کا اظہار کیا ہے۔