خلیج اردو
غزہ: فلسطینی تنظیم حماس نے دو مزید اسرائیلی یرغمالیوں کی لاشیں اسرائیل کے حوالے کر دی ہیں، تاہم تنظیم کا کہنا ہے کہ ملبے تلے موجود دیگر لاشوں تک پہنچنے کے لیے اسے مزید وقت اور خصوصی آلات کی ضرورت ہے۔
حماس کے عسکری ونگ کے مطابق، اب تک وہ تمام لاشیں واپس کر دی گئی ہیں جن تک غزہ کے تباہ شدہ علاقوں میں رسائی ممکن تھی، تاہم باقی لاشوں کو نکالنے کے لیے خصوصی آلات اور وقت درکار ہے۔
بدھ کے روز حماس نے اعلان کیا کہ اس نے وہ تمام یرغمالی لاشیں واپس کر دی ہیں جو دستیاب تھیں، جبکہ اسرائیلی فوج کے مطابق ریڈ کراس نے دو مزید لاشیں وصول ہونے کی تصدیق کی ہے۔
واضح رہے کہ پیر سے جاری جنگ بندی کے معاہدے کے تحت، جو امریکی صدر ڈونلڈ ٹرمپ کی ثالثی سے طے پایا، حماس اب تک 20 زندہ یرغمالیوں کو رہا کر چکی ہے، جبکہ اس کے بدلے اسرائیل کی جیلوں سے تقریباً دو ہزار فلسطینی قیدیوں کو رہائی دی گئی ہے۔
