خلیج اردو
واشنگٹن: امریکی صدر ڈونلڈ ٹرمپ نے بدھ کے روز روس کی دو بڑی تیل کمپنیوں پر نئی سخت پابندیاں عائد کر دیں، یہ کہتے ہوئے کہ یوکرین جنگ ختم کرنے کے لیے ولادیمیر پیوٹن کے ساتھ ان کے مذاکرات "کہیں نہیں جا رہے”۔
یورپی یونین نے بھی یوکرین پر روس کے ساڑھے تین سال سے جاری حملے کے خاتمے کے لیے ماسکو پر دباؤ بڑھانے کے مقصد سے نئی پابندیوں کا اعلان کیا ہے۔
ٹرمپ کئی ماہ سے روس پر تیل کی پابندیاں عائد کرنے سے گریز کر رہے تھے، تاہم ان کا صبر اس وقت جواب دے گیا جب بوداپسٹ میں پیوٹن کے ساتھ مجوزہ سربراہی اجلاس کے منصوبے منسوخ ہو گئے۔
