خلیج اردو
وفاقی آئینی عدالت نے اسلام آباد ہائیکورٹ کے پانچ ججز کی انٹرا کورٹ اپیل کو عدم پیروی کی بنیاد پر خارج کر دیا ہے۔ عدالت نے اپیلیں مسترد کرتے ہوئے سپریم کورٹ کے پہلے سے جاری فیصلے کو برقرار رکھا، جس میں پانچ رکنی بینچ نے آرٹیکل 200 کے تحت ججز کے تبادلے کو کثرت رائے کے ساتھ درست قرار دیا تھا۔
سماعت کے دوران عدالت نے نوٹ کیا کہ اپیل کنندگان کی جانب سے کوئی جج عدالت میں پیش نہیں ہوا، جس کے بعد اپیل خارج کرنے کا فیصلہ کیا گیا۔ اس کیس میں جسٹس محسن کیانی، جسٹس بابر ستار، جسٹس طارق جہانگیری، جسٹس اعجاز اسحاق اور جسٹس ثمن رفعت شامل تھے، جنہوں نے اسلام آباد ہائیکورٹ میں انٹرا کورٹ اپیل دائر کی تھی۔
عدالت کے فیصلے سے سپریم کورٹ کے ججز کے تبادلے کے اختیارات اور آرٹیکل 200 کے تحت عدالتی کارروائی کی قانونی حیثیت مزید واضح ہو گئی ہے، جبکہ ہائیکورٹ کے ججز کے اپیل دائر کرنے کے عمل میں تاخیر اور عدم پیشی پر آئینی عدالت نے واضح پیغام دیا ہے کہ عدالتی پروسیجرز کی مکمل پابندی ضروری ہے۔
