( خلیج اردو ) عبدالستار ایدھی کو بچھڑے چار سال ہوگئے ۔دنیا کے سب سے بڑے رضاکار ایمبولینس نیٹ ورک کے بانی عبد الستار ایدھی کا انتقال 8 جولائی 2016 کو ہوا تھا۔ایدھی برصغیر کی تقسیم سے قبل 28 فروری 1928 کو گجرات میں پیدا ہوئے تھے اور 88 سال کی عمر میں کراچی میں وفات پائی۔
ایدھی نے 1951 میں فلاحی خدمات کا آغاز کیا اور بعد میں ملک بھر میں بے گھروں کو پناہ دی اس کے علاوہ جانوروں کی پناہ گاہوں اور یتیم خانوں کے ساتھ دنیا کا سب سے بڑا رضاکار ایمبولینس نیٹ ورک قائم کیا۔
عبدالستار ایدھی کی چوتھی برسی پر سوشل میڈیا صارفین انکی یاد کو تازہ کر رہے ہیں ۔
سوشل میڈیا صارفین مرحوم ایدھی کے اقوال شئیر کر رہے ہیں جس میں ایک بہت مشہور ہوا تھا جب ایدھی صاحب نے فرمایا کہ میرا مذہب انسانیت پسندی ہے جو دنیا کے ہر مذہب کی اساس ہے۔
سادہ لوح طرز زندگی کے لئے مشہور انہیں اکثر مالدار غریب آدمی کہا جاتا تھا۔
عبدلاستار ایدھی مالدار غریب آدمی تھے جو انہوں نے ثابت بھی کیا۔ عبد الستار ایدھی کا ایک قول ہے کہ انسان ہونے کی توفیق دی گئی ہے لیکن اپنی انسانیت کو رکھنا ایک انتخاب ہے۔
دی ٹیلی گراف نے 2017 کے ایک مضمون میں اپنی خبر میں بتایا تھا کہ موت کے وقت تک ایدھی کو قریب 20،000 گود لینے والے بچوں کے والدین یا سرپرست کے طور پر رجسٹرڈ کیا گیا تھا جس سے ثابت ہوتا ہے کہ وہ ایک سرگرم نگران تھا۔
Source: Gulf News
