دبئی کے پائلٹ کو واٹس ایپ پر گینگ نے عورت بن کر محبت کا جھانسہ دیکر مال لوٹ لیا۔

خلیج اردو: دبئی کی ایک عدالت میں گزشتہ روز 26 سالہ شخص کو مبینہ طور پر ایک پائلٹ کو امریکی خاتون بن کر محبت کا جھانسہ دینے فراڈی گروہ نے بیوقوف بناکر لوٹنے کے کیس کی سماعت ہوئی۔

دبئی کورٹ آف فرسٹ انسینس نے سنا کہ نائیجیریا کے ملزم اور اس کے گینگ نے شکایت کنندہ کو برہنہ کردیا اور اس کے بینک کارڈوں سے 19،454 درہم نکالنے سے پہلے اسے گرم لوہے کے راڈ سے ڈرایا۔

یہ مقدمہ 4 جون کا ہے اور اسے دبئی پولیس اسٹیشن میں درج کیا گیا تھا۔

شکایت کنندہ ، جو ایک 47 سالہ ترک پائلٹ ہے ، نے بتایا کہ وہ واٹس ایپ پر ایک ’عورت‘ سے ملا۔ "اس نے خود کو ایک امریکی کی حیثیت سے متعارف کرایا اور مجھے اپنے ساتھ ایک کپ چائے پینے کی دعوت دی۔”

جب وہ اس سے ملنے گیا تو ایک عورت نے اس کے لئے دروازہ کھولا۔ جب میں نے اس سے اس عورت کے بارے میں پوچھا جس سے مجھے ملنا ہے تو مجھے بتایا گیا کہ وہ اندر ہے ، میرا انتظار کر رہی ہے۔ اس نے دروازہ لاک کردیا اور مجھ پر چار مرد اور چار خواتین نے حملہ کیا۔ ان سب نے مجھے تھپڑ مارا اور تشدد کیا اور میرے کپڑے اتار دئیے۔انہوں نے میرا موبائل فون بھی چھین لیا۔

شکایت کنندہ کا کہنا تھا کہ اس نے اپنا بینک کارڈ پن اس وقت ظاہر کیا جب ایک عورت نے گرم لوہے سے "مجھے جلا ڈالنے کی دھمکی دی تھی”۔ پھر وہ اس کے اکاؤنٹ سے نقد رقم نکالنے کے بعد موقع سے فرار ہوگئے۔

فلیٹ سے نکلتے ہی انہوں نے مجھے ایک کمرے میں چھوڑ دیا۔ جب مجھے لگا کہ وہ چلے گئے ہیں تو میں مدد کے لئے نکلا اور پولیس اسٹیشن میں شکایت درج کروائی۔

شکایت کنندہ نے بعد میں گروہ کے چار افراد کی شناخت کی۔ مبینہ طور پر ان چاروں ملزمان نے اعتراف کیا کہ انہوں نے شکایت کنندہ کو اپنے اپارٹمنٹ بلا کر لوٹنے کا منصوبہ بنایا تھا۔

سزا یافتہ دوسرے ساتھیوں کو ، ہر ایک کو تین سال قید ، جرمانے اور ملک بدری کی سزا سنائی گئی۔

مدعا علیہ حراست میں ہے اور کیس کے فیصلے کا منتظر ہے جو 30 نومبر کو دیا جائے گا۔