خلیج اردو: دبئی کی فرسٹ اسینس کورٹ نے ایک تارک وطن کو، جو پیٹرول اسٹیشن سے 48،000 درہم کا غبن کرنے کے بعد متحدہ عرب امارات سے فرار ہوگیا تھا ، اسکو منگل کے روز 3 ماہ قید کی سزا سنائی۔
عدالت نے قید کی میعاد کے اختتام اور 48،825 درہم جرمانے کی ادائیگی کے بعد اسے ملک بدر کرنے کا بھی حکم دیا۔
دبئی کے سرکاری استغاثہ کے ریکارڈ سے پتہ چلتا ہے کہ 34 سالہ ہندوستانی شخص نے اپنی چھٹی سے واپس آنے کے دو دن بعد ہی اپنے کام کی جگہ پر 48،825 درہم کا غبن کیا۔ اس نے اس بات کا فائدہ اٹھایا کہ اس کے پاس پیسہ چرانے کے بعد متحدہ عرب امارات سے فرار ہونے کے لئے اس کا پاسپورٹ موجود تھا۔ مبینہ طور پر چوری اس وقت ہوئی جب وہ پیٹرول اسٹیشن پر بطور سپروائزر کام کر رہا تھا اور محصولات کا شعبہ سنبھالتا تھا۔
عدالت نے مدعا علیہ کو سرکاری ادارے کے فنڈز کے غبن کا مجرم قرار دیا۔
یہ کیس 11 اگست کا ہے اور القیس پولیس اسٹیشن میں درج کیا گیا تھا۔
مدعی کے ایک منیجر نے بتایا کہ ملزم 10 سالوں سے وہاں کام کررہا تھا اور اسے کسٹمر سروس اسسٹنٹ کی حیثیت سے ترقی دی گئی تھی۔
ان کے فرائض میں انتظامی اور تکنیکی امور کی نگرانی کرنا شامل تھی۔ وہ پیٹرول اسٹیشن کے کارکنوں اور سپر مارکیٹ اسٹاف اور اندرونی ریستورانوں سے بھی روزانہ کی آمدنی کا کچھ حصہ اکٹھا کرتا تھا۔ یہ شخص فنڈز اپنے پاس رکھتا اور بعد میں انہیں بینک میں جمع کرواتا تھا۔
11 اگست کو ، مدعا علیہ نے اپنے کام کی جگہ پر سیف کھول لیا اور 48،825 درہم لے کر موقع سے فرار ہوگیا۔ جب اگلی شفٹ کے عملہ کا سپروائزر پہنچا تو اسے سیف کی چابی دے دی گئی لیکن اسے روزانہ سیلز کے دستخطی بیان کے ساتھ محصولات حوالے نہیں کیے گئے۔
دوسرے شفٹ سپروائزر نے اپنے ساتھی کے جانے کے بعد سیف میں بچی ہوئی رقم کی جانچ پڑتال کی اور اس کا حساب کتاب کیا اور پھر اس کا موازنہ نظام میں فروخت کے ریکارڈ سے کیا۔ اس نے پایا کہ مدعا علیہ نے اپنی شفٹ کے دوران جمع شدہ محصول اسکے حوالے کرنے کے بجائے چرا لیا تھا۔
اس کے بعد ملزم ناقابل رسائی تھا کیونکہ وہ رقم غبن کرنے کے بعد متحدہ عرب امارات سے فرار ہوگیا تھا۔ وہ صرف دو دن پہلے ہی چھٹی سے واپس آیا تھا اور اس موقع کا فائدہ اٹھا سکتا تھا کہ اس کا پاسپورٹ اس کے پاس تھا اور وہ چوری کرنے کے بعد ملک سے باہر جاسکتا تھا۔
ملزم 15 دن کے اندر عدالت کے فیصلے پر اپیل کرسکتا ہے۔
