خلیج اردو
ماسکو، 2 جولائی
روس کی ایک عدالت نے سابق نائب وزیر دفاع تیمور ایوانوف کو بھاری رشوت لینے، اختیارات کے ناجائز استعمال اور مالی بدعنوانی کے الزامات میں 13 سال قید کی سزا سنا دی ہے۔
میڈیا رپورٹس کے مطابق تیمور ایوانوف کو گزشتہ برس اپریل 2023 میں گرفتار کیا گیا تھا۔ ان پر الزام تھا کہ انہوں نے وزارت دفاع میں اپنے عہدے کا غلط استعمال کرتے ہوئے مالی فائدہ حاصل کیا اور بڑے پیمانے پر کرپشن میں ملوث رہے۔
استغاثہ کے مطابق ایوانوف نے دفاعی ٹھیکوں اور دیگر سرکاری معاہدوں میں بھاری رقوم بطور رشوت وصول کیں۔ عدالت نے تمام شواہد کا جائزہ لینے کے بعد انہیں قصوروار قرار دے کر سخت قید کی سزا سنائی۔
یہ فیصلہ روسی حکومت کی اعلیٰ سطح پر کرپشن کے خلاف جاری کارروائیوں کا حصہ قرار دیا جا رہا ہے، جس کا مقصد ریاستی اداروں میں شفافیت کو فروغ دینا ہے۔
