برازیل اور متحدہ عرب امارات سلامتی کونسل میں عالمی امن کیلئے ملکر کام کرینگے:نائب صدر برازیل

خلیج اردو: برازیل کے نائب صدر ہیملٹن مورو نے کہا کہ برازیل اور متحدہ عرب امارات عالمی امن اور سلامتی کے لیے اقوام متحدہ کی سلامتی کونسل میں مل کر کام کریں گے۔ اماراتی نیوز ایجنسی کے ساتھ ایک خصوصی انٹرویو میں متحدہ عرب امارات کے چار روزہ دورے آئے برازیل کے نائب صدر نے کہا کہ 2023۔2022 کے لیے سلامتی کونسل میں برازیل اور متحدہ عرب امارات کے پاس اقوام متحدہ میں غیر مستقل نشستیں ہوں گی۔ انہوں نے کہا کہ اس موقع پر ہم شانہ بشانہ رہیں گے۔

انہوں نے نشاندہی کی کہ دونوں ممالک نے 2019 میں صدر جئے بولسنارو کے متحدہ عرب امارات کے سرکاری دورے کے دوران بین الاقوامی مسائل پر کھل کر بات چیت کی تھی۔ انہوں نے کہا کہ اس کے بعد سے دونوں ممالک نے اپنے دوطرفہ تعلقات کو اسٹریٹجک شراکت داری کی سطح تک بڑھایا جس میں امن اور سلامتی کے شعبوں میں مکالمے شامل ہیں۔ انہوں نے کہا کہ دونوں ممالک افغانستان کے مسئلے سمیت عالمی تحفظات کے معاملات پر بات چیت کریں گے اور مل کر کام کریں گے۔ انہوں نے کہا کہ برازیل کی حکومت افغانستان کے حالات کو معمول پر لانے کی بین الاقوامی کوششوں کی حمایت کر رہی ہے۔

برازیل کے نائب صدر نے کہا کہ حال ہی میں برازیل نے افغانستان کے حالات سے متاثر ہونے والوں خاص طور پر خواتین، بچوں، بوڑھوں اور معذور افراد اور ان کے خاندانوں کے لیے عارضی انسانی ویزے جاری کرنے کا امکان کھول دیا ہے۔ انہوں نے کہا کہ یہ اقدام برازیل کی ہجرت پالیسی کی طویل روایت کے مطابق ہے۔ انہوں نے کہا کہ ہم تارکین وطن کا ملک ہیں۔ ہر وہ شخص جو برازیل میں رہتا ہے وہ یورپ، مشرق وسطیٰ یا مشرق بعید کا ہے۔ اسی وجہ سے بہت سے لوگ کہتے ہیں کہ برازیل کا پاسپورٹ بہت قیمتی ہے کیونکہ کوئی بھی برازیلین کے پاس سے گزر سکتا ہے

برازیل کے صدر بولسنارو کے اگلے ماہ متحدہ عرب امارات
کے دورے کے بارے میں مورو نے کہا کہ ان کے ساتھ برازیل کے سیاستدانوں اور تاجروں کا ایک گروپ بھی ہوگا۔ 15 نومبر کو ایکسپو 2020 دبئی میں برازیل کے یوم جمہوریہ کے موقع پر ہونے والا یہ دورہ بہت اہم ہے۔ نائب صدر نے جمعہ کی شام ایکسپو 2020 دبئی میں برازیلین پویلین کا افتتاح کیا تھا۔ نائب صدر نے کہا کہ سیاحت اور تجارت دوطرفہ تعلقات کو مضبوط بناتے ہیں ۔ ہم اس کو بڑھانے کے لیے سخت محنت کر رہے ہیں۔

انہوں نے کہا کہ معاشی میدان میں اب بھی بہت سے مواقع ہیں جن سے بھرپور استفادہ کرنے کی ضرورت ہے۔ متحدہ عرب امارات کے اپنے پہلے دورے پر دبئی پہنچنے پرنائب صدر ہیملٹن مورو نے کہا کہ آپ یہاں آتے ہیں تو آپ مستقبل دیکھتے ہیں۔ یہ ایک ایسی جگہ ہے جہاں دنیا میں ہر کوئی آ سکتا ہے اور آرام محسوس کر سکتا ہے۔

انہوں نے کہا کہ ایکسپو 2020 برازیل اور لاطینی امریکہ کے لیے نئے مواقع کھولنے کے لیے تیار ہے۔انہوں نے کہا کہ ایکسپو 2020 دبئی میں شاندار کام ہوا ہے۔ نائب صدر نے کہا کہ ایکسپو دبئی میں منعقد کیا جا رہا ہے جواس بات کا واضح ثبوت ہے کہ متحدہ عرب امارات ایک متحرک معاشی ماڈل ہے