خلیج اردو: وزارت موسمیاتی تبدیلی اور ماحولیات نے کہا ہے کہ 2021 کے آغاز سے اس نے 12 ممالک میں 25 نئے مذبح خانے کھولنے کی منظوری دی ہےجو متحدہ عرب امارات کوسرخ اور سفید گوشت برآمد کرنے کے ساتھ ساتھ ٹھنڈا اور منجمد گوشت برآمد کریں گے۔
اسکے ساتھ ملک سے باہر تصدیق شدہ مذبح خانوں کی تعداد 182 ہوگئی ہے۔ پائیدار کمیونٹیز سیکٹر کے اسسٹنٹ انڈر سیکریٹری اور وزارت موسمیات میں خوراک کے تنوع کے شعبے کے قائم مقام اسسٹنٹ انڈر سیکریٹری سیف الشعرا نے کہا کہ منظور شدہ گوشت برآمد کنندگان کی تعداد میں اضافہ متحدہ عرب امارات کی فوڈ سیکورٹی کو بڑھانے کے لئے وزارت کی حکمت عملی سے ہم آہنگ ہے۔
انہوں نے کہا کہ یہ فوڈ ٹریڈ کے ایک اہم مرکز کے طور پر ملک کی پوزیشن کو بھی فروغ دیتا ہے اور مقامی طلب کو پورا کرنے کے لئے کھانے کی مستقل دستیابی کو بھی یقینی بناتا ہے۔ انہوں نے کہا کہ متحدہ عرب امارات میں گوشت اسکی مصنوعات برآمد کرنے والے مذبح خانوں کی منظوری فوڈ سیفٹی کا کلیدی ستون ہے۔ اس تناظر میں وزارت موسمیاتی تبدیلی فوڈ سپلائی چین کے سلسلے میں متعلقہ اسٹیک ہولڈرز کے ساتھ شامل ہوتا ہے۔
اس کے علاوہ وزارت نے مناسب قوانین اور ضوابط تیار کیے ہیں اور اندرون و بیرون ملک متعلقہ اداروں کے ساتھ انٹیل ایکسچینج میکانزم قائم کیا ہے۔ اسکے علاوہ فوڈ سیفٹی کے طریقہ کار کو اپ گریڈ کیا گیاہے اور فوڈ سے متعلقہ عمدہ طریقوں کے بارے میں عوامی شعور اجاگر کیا ہے۔
متحدہ عرب امارات میں گوشت کی مصنوعات برآمد کرنے کی کوشش کرنے والے مذبح خانوں کا اندازہ لگانے کے لئے ایک تکنیکی ٹیم قابل اطلاق صحت کے بہترین طریقوں، فوڈ سیفٹی کے ضوابط اور تیاری کے معیار کے ساتھ ان کی تعمیل کی تصدیق کرتی ہے۔
اس بات کی تصدیق کے لئے کہ وہ جانوروں کے ذبیحہ کے حلال معیار کو برقرار رکھیں محکمہ موسمیاتی تبدیلی نے ان ممالک میں قابل اعتماد تنظیموں سے معاہدہ کیا ہے تاکہ وہ سہولیات پر گوشت کی پیداوار کے عمل کا معائنہ کریں اور میٹ سیفٹی برائے قومی کمیٹی کو رپورٹ پیش کریں۔ کمیٹی میں ابو ظبی زراعت اور فوڈ سیفٹی اتھارٹی کے ساتھ ساتھ دبئی، شارجہ، عجمان، ام لقوین، رس الخیمہ اور فجیرہ میں وزارت کے نمائندے اور مقامی فوڈ کنٹرول اتھارٹی شامل ہیں۔
یہ غیر ملکی مذبح خانوں کے لئے تکنیکی تشخیصی رپورٹس کا جائزہ لینے اور حلال گوشت برآمد کنندگان کی حیثیت سے ان کی توثیق کے بارے میں وزارت موسمیاتی تبدیلی کو سفارشات پیش کرنے کے ساتھ ساتھ متحدہ عرب امارات اور بیرون ملک سلاٹر ہاؤسز کے لئے صحت کی ضروریات اور حلال معیار میں مسلسل اضافہ کرنے کا ذمہ دار ہے۔ اگر مقرر کردہ اداروں یا سرحدی معائنہ کرنے والی ٹیموں کے ذریعہ رپورٹس میں بتایا گیا ہے کہ مذبح خانہ صحت یا حلال کی ضروریات پر عمل پیرا ہونے میں ناکام رہا ہے تو وزارت فوری طور پر منظوری کو مسترد کردیتی ہے۔
حفاظت کے مسئلے کو مدنظر رکھتے ہوئے وزارت منظور شدہ مذبح خانوں جیسے حلال سرٹیفکیٹ، اصلیت کے سرٹیفکیٹ اور صحت کے سرٹیفکیٹس کے ذریعہ بھیجے جانے والے اندرون ملک سامان والی دستاویزات کی تصدیق کرتی ہے۔ یہ کھیپ سے حاصل کردہ نمونوں پر جسمانی معائنہ اور لیبارٹری ٹیسٹ بھی کرواتا ہے اور کھانے پینے کی مصنوعات میں تجارت کرنے والوں کے خلاف کاروائی کرتا ہے جو فوڈ سیفٹی ضوابط یا شرعی قوانین کی تعمیل نہیں کرتے ہیں
