خلیج اردو
اسلام آباد:نئی نسل کو منشیات سے بچانے کا قومی مشن۔ 11 برس بعد قومی ڈرگ سروے ہو گا۔وفاقی وزیرداخلہ وانسداد منشیات نے اصولی منظوری دے دی۔ ملک بھر میں منشیات استعمال کرنے والے افراد کا ڈیٹا اکٹھا کیا جائے گا۔
وفاقی وزیر محسن نقوی کی زیر صدارت کمیٹی برائے نیشنل ڈرگ سروے کا اجلاس ہوا۔ اعلامیہ کے مطابق نیشنل ڈرگ سروے کے تحت ملک بھر میں منشیات استعمال کرنے والے افراد کا ڈیٹا اکٹھا کیا جائے گا۔
محسن نقوی نے سروے میں گھروں کے علاوہ تعلیمی اداروں ، کچی آبادیوں اور دیگر جگہوں سے بھی ڈیٹا جمع کرنے کی ہدایت کرتے ہوئے کہا کہ قومی ڈرگ سروے کو ہر صورت جامع اور مستند ہونا چاہیے۔ اسی کی اہمیت اور فائدہ ہوگا۔
انھوں نے 15 دن کے اندر سروے سے متعلق معاملات کو حتمی شکل دینے کی ہدایت دیتے ہوئے کہا کہ انسداد منشیات پر کوئی سمجھوتہ نہ ہوگا کیونکہ یہ قوم کے مستقبل کا مسئلہ ہے۔ سروے کے انعقاد میں تعاون کیلئے بین الاقوامی ترقیاتی اداروں سے بھی رابطہ کیا جائے۔
واضح رہے کہ آخری قومی ڈرگ سروے 2013 میں ہوا تھا۔
