خلیج اردو
خطے میں بڑھتی کشیدگی کے باعث پاکستان سے مشرق وسطیٰ جانے والی پروازوں کی منسوخی کا سلسلہ جاری ہے۔ آج بھی 97 پروازیں منسوخ کر دی گئیں جس سے مسافروں کو شدید مشکلات کا سامنا کرنا پڑا۔
تفصیلات کے مطابق کراچی سے دوحہ، دبئی، شارجہ، ابوظبی اور بحرین کی 25 پروازیں منسوخ ہوئیں، جبکہ لاہور سے 22، اسلام آباد سے 26، پشاور سے 10 اور سیالکوٹ سے 5 پروازیں منسوخ کی گئیں۔
فضائی حکام کے مطابق گزشتہ 8 روز کے دوران پاکستان سے مشرق وسطیٰ جانے والی منسوخ پروازوں کی مجموعی تعداد 1300 تک پہنچ چکی ہے۔
