ابوظہبی پولیس نے گاڑیوں کے کلاسک پلیٹ نمبر جاری کردئیے۔

خلیج اردو: ابوظہبی پولیس نے 30 سال سے زیادہ پرانی گاڑیوں کے لیے کلاسک نمبر پلیٹس کی ایک نئی کیٹیگری شروع کی ہے۔

اے ڈی پی کے سینٹرل آپریشن سیکٹر کے ڈائریکٹر بریگیڈیئر احمد سیف بن زیتون المحیری نے کہا کہ کلاسک نمبر پلیٹس اس سال اگست سے عوام کے لیے دستیاب ہوں گی اور ان کی ویب سائٹ اور گاڑیوں سے منسلک کسٹمر ہیپی نیس سینٹرز اور ڈرائیور لائسنسنگ ڈیپارٹمنٹ سے حاصل کیا جاسکے گا۔ ۔

المحیری نے مزید کہا کہ "ابوظہبی پولیس ہمیشہ صارفین کی توقعات سے بالاتر اور ان کی خوشی اور اطمینان کو یقینی بنانے کے لیے کوشاں رہی ہے۔”

اپنی طرف سے، سینٹرل آپریشن سیکٹر میں ڈرائیورز اور گاڑیوں کے لائسنسنگ ڈپارٹمنٹ کے ڈائریکٹر کرنل محمد البرک العمیری نے اس بات پر زور دیا کہ کلاسک نمبرپلیٹس کا نیا ورژن پرانے ڈیزائنوں سے متاثر ہے، جو ملک میں بڑے پیمانے پر استعمال ہوتے تھے۔

العمیری نے کہا کہ نئے ڈیزائن کی منظوری عوام کی رائے اور تجاویز لینے کے بعد دی گئی، انہوں نے مزید کہا کہ کسی بھی گاڑی کو کلاسک کے طور پر درجہ بندی کرنے کے اپنے معیارات ہیں۔ گاڑی کم از کم 30 سال پرانی ہونی چاہیے اور اسے تکنیکی امتحان پاس کرنا چاہیے۔