متحدہ عرب امارات

دبئی کے پارکوں میں الیکٹرک سکوٹر لیجانے پر پابندی عائد کر دی گئی

 

خلیج اردو آن لائن:

دبئی حکام کی جانب سے اعلان کیا گیا ہے کہ دبئی کے پارکوں میں الیکٹرک سکوٹر لیجانا منع ہے۔

دبئی بلدیہ کا پابندی عائد کرتے ہوئے کہنا تھا کہ یہ اقدام حادثات سے محفوظ رہنے میں مدد فراہم کرے گا۔ مزید برآں، بلدئہ کی جانب سے واضح کیا گیا ہے پارکوں میں موٹر سائیکل لیجانے پر بھی پابندی عائد ہے۔

اور سائیکلوں کے ٹریک پہ واک کرنا منع ہے۔ جبکہ سائیکل چلانے کی حد رفتار 15 کلومیٹر فی گھنٹہ ہے۔

یاد رہے کہ گزشتہ سال دبئی کی روڈ اینڈ ٹرانسپورٹ اتھارٹی کی جانب سے اعلان کیا گیا تھا کہ دبئی بھر میں الیکٹر ک سکوٹروں کے استعمال کی اجازت ہوگی۔

تاہم، اب تک دبئی کے صرف پانچ ضلعوں میں ای سکٹروں کے استعمال کی اجازت دی گئی ہے۔ جن میں الریگا، جمیرہ لیک ٹاورز، شیخ محمد بن راشد بولےوارڈ، دبئی انٹرنیٹ سٹی، سیکنڈ دسمبر اسٹریٹ۔

رہائشیوں نے حکام کو شکایت کی تھی کہ گلیوں میں سے تیز رفتاری سے گزرنے والے ای سکوٹر کمیونٹی کے لیے خطرے کا باعث بنتے ہیں۔

Source: Khaleej Times

متعلقہ مضامین / خبریں

Back to top button