خلیج اردو آن لائن:
متحدہ عرب امارات میں کیے گئے ایک حالیہ سروے کے نتائج کے مطابق یو اے ای کے 98 فیصد رہائشیوں نے یو اے ای حکام کی جانب سے کورونا کے پھیلاؤ کو روکنے کے لیے نافذ کیےگئے قواعد و ضوابط اعتماد کا اظہار کیا ہے۔
مزید برآں، اس سروے سے پتہ چلا ہے کہ یو اے ای حکومت کے کورونا کے خلاف رسپانس نے 98 فیصد شہریوں اور رہائشیوں کے درمیان سیکیورٹی اور سیفٹی کا احساس میں اضافہ کیا ہے۔
Community Sector: the current period is a unique one in which we should cooperate and collaborate. This crisis will pass and humanity will survive, but our actions and decisions will leave their mark on our policies, economies, culture, and our lives.#TogetherWeRecover pic.twitter.com/RAVYy94hXN
— NCEMA UAE (@NCEMAUAE) March 30, 2021
منگل کو ہفتہ وار کوویڈ بریفنگ سے بات کرتے ہوئے وزارت کمیونٹی ڈویلپمنٹ میں گورنمنٹ کمیونیکیشن ڈیپارٹمنٹ کی ڈائریکٹر مونا خلیل نے کہا "وزارت صحت اور کمیونٹی ڈویلپمنٹ کی طرف سے کئے گئے اس سروے سے یہ بھی ثابت ہوا ہے کہ حکومت نے جو اقدامات اٹھائے ان سے خاندانوں کے درمیان تعلقات 97 فیصد مضبوطی آئی”۔
انہوں نے بتایا کہ حکومت کی جانب سے اٹھائے گئے قواعد و ضوابط میں سے سب سے اہم سماجی فاصلہ برقرار رکھنا اور گھر میں قرنطینہ کرنا تھا۔
انہوں نے بتایا کہ یو اے ای حکومت نے نہ صرف صحت کی حفاظت کے لیے اقدامات کیے بلکہ خاندانوں کے اوپر سے مالی بوجھ بھی کم کیا۔
اس سروے میں شرکت کرنے والے افراد میں سے 96 فیصد افراد کا کہنا تھا کہ یو اے ای نے کورونا کے باعث پیدا ہونے والے چیلنجز سے نمٹنے میں بھی شاندار کارکردگی کا مظاہرہ کیا ہے۔
Source: Khaleej Times
