خلیج اردو: راس الخیمہ میں تمام کاروباری اور تجارتی اداروں کو اب رمضان کے مقدس مہینے میں بھی 24 گھنٹے کام کرنے کی اجازت ہوگی۔
راس الخیمہ کے محکمہ اقتصادی ترقی نے ایک ایڈوائزری میں کہا ہے کہ اس رمضان میں دکانوں اور کاروباری اداروں کے توسیعی آپریشنز کے لیے اجازت نامے کی ضرورت نہیں ہے۔
یہ اقدام امارات کو اعلیٰ کاروباری مقام بنانے کی اتھارٹی کی کوششوں کا حصہ ہے۔
شارجہ میں، ریستوراں، بیکریوں اور کیفے ٹیریا کے اوقات کار کو بھی آدھی رات سے آگے بڑھانے کی اجازت مل گئی ہے، جبکہ دوسروں کو ایسا کرنے کے لیے خصوصی اجازت نامے حاصل کرنے کی ضرورت ہے۔
