خلیج اردو
بغداد: بغداد میں 16 سالہ نوجوان نے اپنے والد کی گاڑی چرا کر 200 کلومیٹر فی گھنٹہ کی رفتار سے چلائی اور اسے لائیو اسٹریم کیا، جس کے دوران ایک سڑک کے کنارے جمع افراد کو ٹکر مار کر دو پاکستانی شہری ہلاک اور تین عراقی زخمی ہوگئے۔ یہ واقعہ ضلع الشوعلہ کے قریب پیش آیا۔
ویڈیو فوٹیج میں دکھایا گیا ہے کہ نوجوان کی گاڑی انتہائی تیز رفتار سے سڑک پر دوڑ رہی تھی اور اچانک پیدل چلنے والوں سے ٹکرا گئی۔ گواہوں نے بتایا کہ نوجوان کے دوست اس دوران تیز رفتار کی حوصلہ افزائی کر رہے تھے۔
سرق مفتاح السيارة من والده وقادها بسرعة 200 كم في الساعة وفتح بث تيك توك مع صديقيه .. مراهق بعمر 16 عامًا يقتل شخصين من الجنسية الباكستانية ويصيب 3 عراقيين بعد دهسهم في #بغداد#الشرقية_نيوز pic.twitter.com/Q2yqLFzqoP
— AlSharqiya TV – قناة الشرقية (@alsharqiyatv) August 29, 2025
زخمی ہونے والے ایک شخص نے میڈیا کو بتایا: “میں نے صرف بریک کی آواز سنی اور پھر ٹکر۔ میرے کان پر چوٹ آئی، جس کے لیے آٹھ ٹانکے لگائے گئے۔”
نوجوان کے والد نے بتایا کہ ان کے بیٹے نے ان کی اجازت کے بغیر گاڑی کی چابیاں لے کر گاڑی چلائی۔
بغداد میں پاکستانی سفارتخانے نے قانونی شکایت درج کروا دی ہے اور ایک نمائندہ مقرر کیا ہے تاکہ ہلاک شدگان کے حقوق کے تحفظ کے لیے کارروائی کی جا سکے۔
عراقی حکام نے تحقیقات کا آغاز کر دیا ہے، جبکہ ہلاک اور زخمی افراد کے اہل خانہ نے اس واقعے کو "ٹک ٹاک اسٹنٹ جو مہلک ثابت ہوا” قرار دیا ہے اور انصاف کا مطالبہ کیا ہے۔
