خلیج اردو
دبئی: متحدہ عرب امارات کے ایک شہری کو سعودی عرب سے کامیابی کے ساتھ ایئر ایمبولینس کے ذریعے ہنگامی طبی امداد کے لیے یو اے ای منتقل کر دیا گیا۔
یہ فضائی امدادی مشن قومی گارڈ میں قائم متحدہ عرب امارات کے نیشنل ریسرچ اینڈ ریسکیو سینٹر نے وزارت خارجہ کے تعاون سے انجام دیا۔ وزارت خارجہ نے سوشل میڈیا پر سعودی حکام کا خصوصی شکریہ ادا کیا جنہوں نے اس انخلا میں بھرپور معاونت کی۔
ریسکیو سینٹر کے مطابق، چالیس سالہ شخص کو اچانک سنگین طبی مسئلہ پیش آیا جس کے باعث فوری طبی امداد ضروری تھی۔ مریض کو ریاض کے اسپتال سے یو اے ای کے مرکزی اسپتال منتقل کیا گیا جہاں اس کا علاج جاری ہے۔
