موسلادھار بارشوں کے باوجود یو اے ای سے فضائی پروازیں معمول کے مطابق جاری رہیں گی

خلیج اردو
دبئی، 22 مئی
بھارت میں حالیہ دنوں ہونے والی شدید بارشوں کے باوجود متحدہ عرب امارات اور بھارت کے درمیان پروازوں کا نظام معمول کے مطابق جاری ہے۔ خاص طور پر دہلی ایئرپورٹ سے بین الاقوامی اور ملکی پروازوں پر اثرات کے باوجود، امارات، اتحاد اور فلائی دبئی جیسی یو اے ای کی بڑی ایئرلائنز نے اپنی پروازوں میں کسی قسم کی رکاوٹ کی تردید کی ہے۔

اماراتی ایئرلائنز کے ترجمانوں کے مطابق بھارت میں جاری خراب موسم کا ان کی پروازوں پر کوئی براہ راست اثر نہیں پڑا۔

بدھ کی شام بھارتی میڈیا نے اطلاع دی تھی کہ دہلی ایئرپورٹ پر موسم کی خرابی کے باعث کئی بین الاقوامی اور گھریلو پروازیں روک دی گئی یا ان کا رخ موڑ دیا گیا ہے۔

ملک بھر میں پری مانسون بارشوں کا سلسلہ جاری ہے جس نے نئی دہلی، پونے، گوا اور بینگلورو جیسے بڑے شہروں کو متاثر کیا ہے۔

بھارتی محکمہ موسمیات نے بینگلورو کے بعض علاقوں کے لیے اورنج الرٹ جاری کیا ہے جو 27 مئی تک جاری رہنے کی توقع ہے۔ بھارتی میڈیا کے مطابق، بارش سے متعلقہ مختلف واقعات میں بینگلورو میں تین اور تمل ناڈو میں بھی تین افراد جاں بحق ہو چکے ہیں۔