خلیج اردو
دبئی کے شاہی خاندان میں ایک اور خوشی کی خبر، شیخ مکتوم بن محمد بن راشد المکتوم ایک بار پھر بیٹی کے باپ بن گئے۔ نومولود بچی کا نام مریم رکھا گیا ہے، جو شیخ مکتوم کی چوتھی بیٹی ہیں۔
یہ خبر دبئی کے ولی عہد شیخ حمدان بن محمد نے انسٹاگرام اسٹوری کے ذریعے شیئر کی، جس میں انہوں نے سادہ مگر دل کو چھو لینے والے انداز میں لکھا:
"مبارک ہو مریم بنت مکتوم بن محمد بن راشد آل مکتوم”۔
یہ سال دبئی کے شاہی خاندان کے لیے خوشیوں سے بھرپور رہا ہے۔ مارچ 2025 میں خود ولی عہد شیخ حمدان کے ہاں چوتھے بچے کی پیدائش ہوئی تھی، جن کا نام ہند رکھا گیا۔ اس سے قبل ان کے ہاں 2021 میں جڑواں بچے راشد اور شیخہ جبکہ 2023 میں بیٹے محمد کی پیدائش ہوئی تھی۔
دبئی ہی نہیں، بلکہ ابوظہبی کا شاہی خاندان بھی خوشیوں سے ہمکنار ہوا۔ مارچ 2025 میں ابوظہبی کے ولی عہد کے ہاں بیٹے کی پیدائش ہوئی، جن کا نام شیخ زاید بن خالد بن محمد بن زاید آل نہیان رکھا گیا۔
متحدہ عرب امارات کے عوام اور آن لائن کمیونٹی کی جانب سے ان خوشیوں پر دل کی گہرائیوں سے مبارکبادیں دی جا رہی ہیں، جو نہ صرف شاہی خاندانوں کے باہمی رشتوں کو ظاہر کرتی ہیں بلکہ عوام اور قیادت کے درمیان قریبی تعلق اور مشترکہ خوشیوں کی بھی عکاسی کرتی ہیں۔
