خلیج اردو
دبئی: ایک انجینئر کو 140,000 درہم ہرجانہ ادا کیا گیا۔۔ انہوں نے دعویٰ کیا تھا کہ وہ ایک تعمیراتی مقام پر لکڑی کے ڈھانچے سے گرنے کے بعد ریڑھ کی ہڈی میں لگنے والی چوٹوں کی وجہ سے مردانہ صلاحیت سے محروم ہوگیا ہے اور اب وہ بچے پیدا کرنے سے قاصر ہے،
عدالتی دستاویزات میں بتایا گیا ہے کہ عرب شخص نے تعمیراتی فرم کے خلاف ابوظہبی کی فیملی اور دیوانی اور انتظامی دعووں کی عدالت میں دیوانی مقدمہ دائر کیا اور مطالبہ کیا کہ وہ کام کی جگہ کے حادثے کے نتیجے میں ہونے والے اخلاقی اور مادی نقصانات کے معاوضے کے طور پر 2 ملین درہم ادا کرے۔
سائٹ انجینئر نے اپنے مقدمے میں کہا کہ وہ تعمیراتی سائٹ پر ڈیوٹی دے رہا تھا جب وہ غلطی سے کام کی جگہ کے اندر لکڑی کے پل سے گر گیا۔ دیواروں کو ملانے والا لکڑی کا پل ٹھیک سے نصب نہ ہونے کی وجہ سے ٹوٹ گیا جس کی وجہ سے وہ اپنا توازن کھو بیٹھا۔ عرب شخص نے بتایا کہ وہ 3 میٹر کی بلندی سے زمین پر گرا۔
انجینئر کو شدید زخمی ہونے کے بعد علاج کے لیے اسپتال لے جایا گیا۔
شکایت کنندہ نے عدالت میں ایک میڈیکل رپورٹ پیش کی جس میں بتایا گیا کہ اس حادثے کی وجہ سے اس کی ریڑھ کی ہڈی میں 30 فیصد مستقل معذوری کے علاوہ کئی دیگر جسمانی چوٹیں بھی آئیں۔
مدعی واقعے کے وقت 32 سال کا تھا نے بتایا کہ اس کی ریڑھ کی ہڈی پر لگنے والی چوٹوں نے اسے کمزور کردیا تھا اور وہ شادی اور بچے پیدا کرنے کے قابل نہیں تھا۔
مدعی نے یہ بھی کہا کہ اسے زیادہ دیر بیٹھنے یا لمبے فاصلے تک چلنے میں دشواری محسوس ہوتی ہے اور وہ کمر اور گردن کے حصے میں شدید درد بھی محسوس کرتا ہے۔
زخمی ہونے سے اب وہ انجینئر کے طور پر سائٹس پر کام نہیں کر سکتے اور حادثے کی وجہ سے وہ ڈپریشن اور اخلاقی اور حسی درد کا شکار ہوئے ہیں۔
ابوظہبی کی عدالت نے دلائل کے بعد تعمیراتی فرم کو حکم دیا تھا کہ وہ مدعی کو 60,000 درہم ادا کرے۔
ابوظہبی فیملی اور سول اینڈ ایڈمنسٹریٹو کلیمز کورٹ نے تعمیراتی فرم کو ہدایت کی کہ وہ انجینئر کو اخلاقی اور مادی نقصانات کے معاوضے میں مزید 80,000 درہم ادا کرے دوسری طرف فرم کو مدعی کے تمام قانونی اخراجات کی ادائیگی کا بھی حکم دیا گیا تھا۔
Source: Khaleej Times
