مسلمانوں کو ان کے مذہب کی وجہ سے ویزہ نہ دینے سے متعلق فیصلہ تو کالعدم ہوگیا ، اب ان مسلمانوں کا کیا جن کی درخوستیں ٹرمپ دور میں مسترد ہوئیں تھیں۔

خلیج اردو
09 مارچ 2021
واشنگٹن : محکمہ خارجہ نے پیر کے روز کہا ہے کہ زیادہ تر درخواست دہندگان جنھیں سابق صدر ڈونلڈ ٹرمپ کے 13 مسلم اور افریقی ممالک پر سفری پابندی کی وجہ سے امریکی ویزے سے انکار کیا گیا تھا ، وہ اس حوالے سے یا تو اپنی پرانی درخواستوں پر نئے فیصلے کیلئے اپلائی کر سکتے ہیں یا نئی درخواستیں جمع کر سکتے ہیں۔

صدر جو بائیڈن نے اپنے اعلان میں 20 جنوری کو اپنا صدارتی منصب سنبھالنے کے پہلے ہی دن سابق صدر ٹرمپ کی جانب سے مسلمانوں پر پابندی کو کالعدم قرار دیتے ہوئے اسے امریکہ کے قومی ضمیر پر داغ قرار دیا تھا۔

محکمہ خارجہ کے ترجمان نیڈ پرائس نے کہا ہے کہ جن جن درخواست دہندگان کو 20 جنوری 2020 سے قبل ویزا دینے سے انکار کیا گیا تھا ، انہیں لازمی طور پر نئی درخواستیں جمع کرائیں اور نئی درخواست فیس ادا کریں۔ جن لوگوں کو 20 جنوری 2020 کو یا اس کے بعد ویزہ دینے سے انکار کیا گیا تھا وہ اپنی درخواستیں دوبارہ جمع کرائے بغیر دوبارہ غور کیلئے اہل ہیں اور انہیں اضافی فیس ادا کرنے کی ضرورت نہیں ہے۔

ترجمان نے کہا کہ رواں مالی سال سے قبل ڈائورسٹی ویزا لاٹری میں منتخب ہونے والے درخواست دہندگان کو امریکی قانون کے ذریعہ ویزا جاری کرنے سے روک دیا گیا ہے ۔ ڈائورسٹی لاٹری کا مقصد ان ممالک سے آنے والے تارکین وطن کو قبول کرنا ہے جنھیں عام طور پر بہت سارے ویزے نہیں دیئے جاتے ہیں۔

محکمہ خارجہ کے اعداد و شمار کے مطابق ، دسمبر 2017 کے بعد ، امریکی سپریم کورٹ کے ذریعہ اصل سفری پابندی کے ایک ترمیم شدہ شکل کو برقرار رکھنے کے بعد پابندی کے تحت تقریبا 40،000 افراد کو امریکہ میں داخلے سے روک دیا گیا ہے۔

ٹرمپ انتظامیہ کے عہد حکومت میں کچھ ممالک کو شامل کیا گیا تھا اور کچھ اس فہرست سے خارج ہوگئے تھے۔ ٹرمپ کی صدارت کے اختتام پر میانمار ، اریٹیریا ، ایران ، کرغزستان ، لیبیا ، نائیجیریا ، شمالی کوریا ، صومالیہ ، سوڈان ، شام ، تنزانیہ ، وینزویلا اور یمن کیلئے ویزہ کا اجراء ممنوع قرار دیا گیا تھا۔
Source : Khaleej Times