امریکی ریاست ہوائی میں آتش فشاں کِلاویا دوبارہ پھٹ پڑا

خلیج اردو
امریکی ریاست ہوائی میں دنیا کے سب سے فعال آتش فشاؤں میں شمار ہونے والا کِلاویا ایک بار پھر لاوا اگلنے لگا ہے۔ مقامی حکام کے مطابق آتش فشاں کے پھٹنے سے لاوے اور دھوئیں کے بڑے اخراج دیکھے گئے ہیں، تاہم ابتدائی طور پر آبادی کے لیے کسی فوری خطرے کی اطلاع نہیں ملی۔

محکمۂ ارضیات کا کہنا ہے کہ صورتحال پر مسلسل نظر رکھی جا رہی ہے اور اگر لاوے کے بہاؤ کی سمت یا شدت میں اضافہ ہوا تو حفاظتی اقدامات مزید سخت کیے جائیں گے۔ مقامی رہائشیوں کو احتیاطی ہدایات جاری کر دی گئی ہیں جبکہ سیاحتی مقامات پر رسائی محدود کر دی گئی ہے۔