سعودی عرب میں کتنے فیصد نوجوان غیر شادی شدہ ہے ، اعداد و شمار جاری کردئیے گئے

خلیج اردو –   رپورٹ سعودی نوجوانوں سے متعلق اعداد وشمار پر مشتمل ہے۔ اس میں نوجوانوں سے متعل ، سماجی، تعلیمی، ثقافتی، اقتصادی، تفریحی، صحت اور آبادی کے حوالے سے اعداد وشمار دیے گئے ہیں

رپورٹ میں یہ بھی بتایا گیا ہے کہ 2019 کے دوران 15 سے  34 برس کے برسرروزگار سعودی نوجوانوں کی تعداد 14 لاکھ 89 ہزار 520 ہے۔ یہ کل سعودی ملازمین کا 47 فیصد ہیں

رپورٹ میں بتایا گیا ہے کہ  15 سے  34 برس کی عمر والے سعودی نوجوان غیر شادی شدہ ہیں۔ ان کا تناسب 66.23 فیصد ہے-

رپورٹ کے مطابق 75.6 فیصد سعودی نوجوانوں نے شادی نہیں کی۔ ان میں 50.4 فیصد کی عمریں 15 برس سے 34 برس کے درمیان ہیں جبکہ 25 سے  34 برس کی عمر والی لڑکیوں نے شادی نہیں کی ۔ان کا تناسب 43.1 فیصد ہے جبکہ شادی شدہ سعودی خواتین کا تناسب 34.3 فیصد ہے۔

رپورٹ میں یہ بھی بتایا گیا ہے کہ 25 سے 34 برس کی عمر والی سعودی خواتین میں طلاق کا تناسب 1.27 فیصد ہے۔ ان میں بیوہ ہونے والی خواتین کا تناسب 0.22 فیصد ہے۔

محکمہ شماریات نے رپورٹ میں یہ بھی بتایا ہے کہ 15 برس سے  34 برس کی عمر والے سعودی نوجوانوں میں 5.5 فیصد لاعلاج امراض میں مبتلا ہیں۔ ان میں 5.1 فیصد لڑکے اور 5.2 فیصد لڑکیاں ہیں۔

رپورٹ میں بتایا گیا کہ بیشتر سعودی لڑکیاں اور خواتین صحت بہتر بنانے کے جذبے سے جسمانی ورزش کر رہی ہیں جبکہ لڑکے جسمانی استعداد بہتر بنانے اور تفریح کے جذبے سے یہ کام انجام دے رہے ہیں۔

رپورٹ میں کہا گیا ہے کہ بیشتر سعودی نوجوانوں کو تعلیم کے دوران دشواریاں پیش نہیں آرہیں۔ اس حوالے سے لڑکوں اور لڑکیوں کے درمیان تناسب یکساں ہے۔