خلیج اردو
07 جنوری 2021
عاطف خان خٹک
راولپنڈی : پاکستان نے گائیڈڈ ملٹی لانچ راکٹ سسٹم فتح ون کا کامیاب تجربہ کیا ہے۔ آئی ایس پی آر کے مطابق ملک میں تیار کی گئی فتح ون گائیڈڈ ملٹی لانچ راکٹ سسٹم 140 کلومیٹر کے فاصلے تک روایتی ہتھیار لیجانے کی صلاحیت رکھتا ہے۔
پاکستان کی مسلح افواج کے ترجمان ادارے آئی ایس پی آر کے ٹویٹر اکاؤنٹ پر اس میزائل کی ویڈیو جاری کی گئی ہے۔ ڈی جی آئی ایس پی آر کا کہنا ہے کہ فتح ون ملٹی لانچ راکٹ ویپن سسٹم سے پاک فوج کی دشمن کے ٹھکانوں کو دور تک نشانہ بنانے کی صلاحیت میں مزید اضافہ ہوا ہے۔
#Pakistan today conducted a successful test flight of indigenously developed #Fatah-1, Guided Multi Launch Rocket System, capable of delivering a conventional Warhead upto a range of 140 km. The Weapon System will give Pak Army capability of precision target engagement 1/2) pic.twitter.com/0bqBfOneJK
— DG ISPR (@OfficialDGISPR) January 7, 2021
صدر مملکت ڈاکٹر عارف علوی، وزیراعظم عمران خان، چئیرمین جوائنٹ چیفس آف اسٹاف کمیٹی لیفٹننٹ جنرل ندیم رضا اور آرمی چیف جنرل قمر جاوید باجوہ نے کامیاب تجربے پر سائنسدانوں اور میزائل کی تیاری میں حصہ لینے والے جوانوں کو مبارکباد دی ہے۔
…deep in enemy territory. The President, Prime Minister of Pakistan, Chairman Joint Chiefs of Staff Committee and COAS have also congratulated the participating troops and scientists on successful conduct of flight test. (2/2)
— DG ISPR (@OfficialDGISPR) January 7, 2021
اسی ہفتے پاکستان کی فضائیہ میں جدید ترین جے ایف 17 بلاک تھری کا اضافہ کیا گیا تھا۔
سوشل میڈیا صارفین سمیت ملکی سیاسی او سماجی شخصیت نے اس پرمسرت موقع پر قوم کو مبارک باد پیش کی ہے۔
