خلیج اردو
02 اکتوبر 2021
برلن : پاکستان کے لیجنڈری اداکار و کامیڈین عمر شریف طویل علالت کے بعد جرمنی کے اسپتال میں انتقال کر گئے ہیں۔ وہ 4 روز سے جرمنی کے اسپتال میں داخل تھے ۔ انہیں کراچی سے واشنگٹن علاج کیلئے پہنچایا جارہا تھا لیکن ناساز طبیعت کے باعث انہیں جرمنی کے اسپتال میں ہی داخل کروادیا گیا تھا۔
عمر شریف کافی عرصے سے عارضہ قلب ، گردے اور دیگر مختلف بیماریوں میں مبتلا تھے۔ کئی ہفتے کراچی کے نجی اسپتال میں زیرعلاج رہنے کے بعد انہوں نے وزیر اعظم عمران خان سے علاج کیلئے امریکہ بھجوانے کی اپیل کی تھی۔
وزیر اعظم کی ہدایت پر انہیں 28 ستمبر کو ایئرایمبولنس میں روانہ کیا گیا تھا لیکن ناساز طبیعت کی وجہ سے انہیں جرمنی میں نیورمبرگ کے مقامی اسپتال میں داخل کرویا گیا۔
عمر شریف کا اسپتال میں ڈائیلاسز ہوا جس دوران ان کی حالت بگڑی گئی تھی۔
جرمنی میں پاکستان کے سفیر ڈاکٹر فیصل نے ان کی موت کی تصدیق کرتے ہوئے اس پر اہل خانہ سے تعزیت کی ۔
With deep sorrow it is announced that Mr. Umer Sharif has passed away. In #Germany. Our deepest condolences to hie family and friends. Our CG is present at the hospital to assist the family in every way.
— Dr Mohammad Faisal (@DrMFaisal) October 2, 2021
مشہور کامیڈین کپل شرما نے انہیں لیجنڈ قرار دے کر الوداؑ کیا ہے۔
Alvida legend 🙏may your soul Rest In Peace 🙏🙏🙏 #UmerShareef pic.twitter.com/ks4vS4rdL0
— Kapil Sharma (@KapilSharmaK9) October 2, 2021
ٹویٹر پر ان کی خدمات کو خراج عقید پیش کیا جارہا ہے اور اس حوالے سے ان کے نام کے ساتھ ٹاپ ٹرینڈ بن گیا ہے۔