خلیج اردو
6 مارچ 2025: آسٹریلوی کرکٹر ڈیوڈ وارنر نے اداکاری کی دنیا میں قدم رکھ لیا ہے۔ وہ بھارت میں بننے والی تیلگو فلم رابن ہوڈ میں اداکاری کے جوہر دکھانے کی تیاری کر رہے ہیں۔
بھارتی میڈیا رپورٹس کے مطابق، اس سال آئی پی ایل کے لیے دستیاب نہ ہونے والے ڈیوڈ وارنر بھارت کی بلاک بسٹر فلم پشپا 2 کے پروڈیوسر میتھری مووی میکرز کے بینر تلے تیار ہونے والی فلم رابن ہوڈ میں اداکاری کریں گے۔ یہ فلم ایک ایکشن تھرلر ہوگی جس میں وارنر کا کردار اہم ہوگا۔
فلم سازوں نے ایک پروموشنل ایونٹ میں انکشاف کیا کہ ڈیوڈ وارنر بڑے پردے پر اپنے اداکاری کی شروعات کرنے جا رہے ہیں۔ انہوں نے بتایا کہ وارنر کی شمولیت سے فلم کو ایک نیا رنگ ملے گا، اور ان کی کرکٹ کی دنیا میں شہرت بھی فلم کی کامیابی میں اہم کردار ادا کرے گی۔
ڈیوڈ وارنر نے بھی اس موقع پر خوشی کا اظہار کرتے ہوئے کہا کہ یہ ان کے لیے ایک نیا تجربہ ہے اور وہ اس میں بھرپور محنت کریں گے۔ وارنر کا کہنا ہے کہ کرکٹ کے میدان میں کامیابی کے بعد اب وہ اپنے نئے کیریئر میں بھی کامیاب ہونے کی کوشش کریں گے۔
