خلیج اردو
اسلام آباد: احمد آباد میں ایئر انڈیا کے مسافر طیارے کے المناک حادثے پر پاکستانی قیادت کی جانب سے گہرے دکھ اور افسوس کا اظہار کیا گیا ہے۔
سابق وزیراعظم نواز شریف نے حادثے میں قیمتی جانوں کے ضیاع پر اظہار تعزیت کرتے ہوئے کہا کہ یہ دلخراش سانحہ سرحدوں سے بالاتر ہے اور ہمیں مشترکہ انسانیت کی یاد دلاتا ہے۔ انہوں نے بھارتی وزیراعظم نریندر مودی اور بھارتی عوام سے دلی ہمدردی کا اظہار کیا۔
My heartfelt condolences to the families of the precious lives lost in the tragic Air India plane crash in Ahmedabad. This devastating loss transcends borders and reminds us of our shared humanity. My deepest sympathies to Prime Minister Modi and the people of India.
— Nawaz Sharif (@NawazSharifMNS) June 12, 2025
وزیراعلیٰ پنجاب مریم نواز شریف نے بھی حادثے میں 242 افراد کی ہلاکت پر گہرے رنج و غم کا اظہار کیا۔ انہوں نے سوگوار خاندانوں سے اظہار ہمدردی کرتے ہوئے کہا کہ ہم طیارہ حادثے کے متاثرین کے دکھ میں برابر کے شریک ہیں۔
ادھر چیئرمین پیپلز پارٹی بلاول بھٹو زرداری نے بھی بھارتی طیارہ حادثے پر افسوس کا اظہار کرتے ہوئے کہا کہ بھارت کے عوام کے ساتھ دلی ہمدردی اور تعزیت کرتے ہیں۔
https://twitter.com/BBhuttoZardari/status/1933098583818940511
پاکستانی قیادت کا یہ متفقہ ردعمل ایک بڑے انسانی المیے پر عالمی یکجہتی اور انسانیت سے وابستگی کا مظہر ہے۔
