سپریم کورٹ کے فیصلے پر عملدرآمد، الیکشن کمیشن نے اضافی مخصوص نشستیں بحال کر دیں

خلیج اردو
اسلام آباد، 2 جولائی
سپریم کورٹ کے فیصلے کی روشنی میں الیکشن کمیشن آف پاکستان نے قومی اور صوبائی اسمبلیوں میں اضافی مخصوص نشستوں کی بحالی کا نوٹیفکیشن جاری کر دیا ہے۔ معطل شدہ نوٹیفکیشن واپس لیتے ہوئے مجموعی طور پر 76 مخصوص نشستیں مختلف جماعتوں کو الاٹ کر دی گئی ہیں۔

الیکشن کمیشن کی جانب سے جاری کردہ نئے نوٹیفکیشن کے مطابق:

• قومی اسمبلی میں مسلم لیگ (ن) کو 14، پیپلز پارٹی کو 4 اور جمعیت علمائے اسلام (ف) کو 3 اضافی مخصوص نشستیں دی گئی ہیں۔

• پنجاب اسمبلی میں خواتین کی 24 اور غیر مسلم اقلیت کی 3 نشستیں بحال کی گئی ہیں۔

  متعلقہ مضامین / خبریں

  • 
    ایران امریکا کشیدگی نئی سرد جنگ جیسے مرحلے میں داخل، طویل تعطل اور توانائی قیمتوں میں اضافے کا خدشہ، خطے میں کھلی جنگ کے امکانات بھی برقرار

    اپریل 29, 2026

• سندھ اسمبلی میں 2 خواتین اور ایک غیر مسلم رکن کی رکنیت بحال ہوئی ہے۔

• خیبرپختونخوا اسمبلی میں 21 خواتین اور 4 اقلیتی ارکان کی نشستیں بحال کی گئیں۔

مجموعی طور پر مخصوص نشستوں کی بحالی کے بعد:

• مسلم لیگ (ن) کو سب سے زیادہ 44 مخصوص نشستیں مل گئی ہیں۔

• خیبرپختونخوا اسمبلی میں جمعیت علمائے اسلام (ف) کو 10، ن لیگ کو 7، پیپلز پارٹی کو 6، اے این پی اور پی ٹی آئی پارلیمنٹرینز کو ایک ایک نشست ملی ہے۔

• پنجاب اسمبلی میں ن لیگ کو 23، پیپلز پارٹی کو 2، ق لیگ اور استحکام پاکستان پارٹی کو ایک ایک نشست ملی ہے۔

• سندھ اسمبلی میں ایم کیو ایم کو ایک اور پیپلز پارٹی کو 2 اضافی نشستیں دی گئی ہیں۔

الیکشن کمیشن کے اس فیصلے سے قومی اور تینوں صوبائی اسمبلیوں کی سیاسی صف بندی میں نمایاں تبدیلی کا امکان ہے، خصوصاً مسلم لیگ (ن) کی پوزیشن کو مزید تقویت ملی ہے۔