خلیج اردو
اسلام آباد : پاک فضائیہ کی طرف سے نیشنل ڈیفنس فضائی مشق کا انعقاد کیا گیا،،ترجمان پاک فضائیہ کے مطابق اس کا مقصد پاکستان ایئر ڈیفنس کی آپریشنل صلاحیتوں اور عسکری تیاریوں میں اضافہ کرنا ہے۔
ترجمان پاک فضائیہ کا کہنا ہے کہ پاکستان ایئرفورس نے نیشنل ڈیفنس فضائی مشق کا انعقاد کیا جس میں جارحانہ اور دفاعی قوتوں کی ہم آہنگی اور مربوط استعمال کی حکمت عملی کا جائزہ لیا گیا۔
میڈیا کو جاری کیے گئے ایک ویڈیو میں مختلف لڑاکا طیاروں اور دیگر ہتھیاروں کی نمائش کی گئی ہے۔
پاک فضائیہ کا نیشنل ڈیفنس فضائی مشق کا انعقاد۔ مشق میں جارحانہ اور دفاعی قوتوں کی ہم آہنگی و مربوط استعمال کی حکمت عملی کا جائزہ،مشق کا مقصد پاکستان ایئر ڈیفنس کی آپریشنل صلاحیتوں اور عسکری تیاریوں میں اضافہ کرنا ہے
ترجمان پاک فضائیہ pic.twitter.com/N1AvBjZX3C
— Khaleej Urdu (@Khaleejurdu) February 3, 2022
پاکستان ایئرفورس کے ترجمان نے بتایا ہے کہ اس مشق کے انعقاد کا مقصد حقیقی خطرات کے ماحول میں پاکستان ایئر ڈیفنس کی آپریشنل صلاحیتوں اور عسکری تیاریوں میں اضافہ کرنا ہے۔
عسکری مشق میں پاک فضائیہ کےآپریشنل اثاثہ جات بشمول لڑاکا طیاروں، زمین سے فضا میں مار کرنے والے میزائل سسٹمز، سینسرز، فورس ملٹی پلائرز اور بیٹل مینجمنٹ سینٹرز کے علاوہ آرمی ایئر ڈیفنس کے اثاثہ جات نے بھرپور شرکت کی۔
پاک فضائیہ کی ایئر ڈیفنس کمانڈ نے مشق میں شریک تمام ایئر ڈیفنس اثاثہ جات کو مجموعی طور پر کمانڈ کیا ۔
