خلیج اردو
اسلام آباد: پاکستان کی سابق وزیر اعظم بے نظیر بھٹو کی یوم شہادت پر پاکستان کے سیاسی قائدین کی جانب سے بیانات کا سلسلہ جاری ہے۔ ایسے میں تحریک انصاف کے رہنما اسد عمر نے ان کے قتل کو ایک سازش قرار دیتے ہوئے الزام لگایا ہے کہ عمران خان کو بھی بے نظیر کی طرح قتل کرنے کی کوشش کی گئی تھی۔
انہوں نے کہا کہ اللہ نے عمران خان کو زندگی دی ورنہ اس تاریک باب میں اضافے کا پورا منصوبہ تھا۔
اپنے ٹویٹ میں مسٹر اسد کا کہنا تھا کہ 27 دسمبر 2007 پاکستان کی تاریخ کا ایک سیاہ دن تھا،ان کی نظر میں پاکستان کی تاریخ میں باربار مقبول عوامی لیڈرز کو قتل کرکے راستے سے ہٹایا گیا۔
27 دسمبر 2007 پاکستان کی تاریخ کا ایک سیاہ دن تھا. بد قسمتی سے پاکستان کی تاریخ میں بار بار مقبول عوامی لیڈروں کو قتل کر کے راستے سے ہٹایا گیا. لیاقت علی سے لے کر بینظیر تک یہ سلسلہ جاری رہا ہے. اللہ نے عمران خان کو زندگی دی ورنہ اس تاریک باب میں اضافے کا پورا منصوبہ تھا
— Asad Umar (@Asad_Umar) December 27, 2022
اسد عمر نے کہا کہ لیاقت علی خان سے لے کر بےنظیر تک یہ سلسلہ جاری رہاہے، اللہ نے عمران خان کو زندگی دی ورنہ اس تاریک باب میں اضافے کا پورا منصوبہ تھا۔
Source: Khaleej Times
