پاکستان میں کورونا وائرس کے بحران کے دوران حاملہ عورت بھوک سے جاں بحق-

اطلاعات کے مطابق ، سندھ میں ایک حاملہ خاتون غذائی قلت کی وجہ سے فوت ہوگئی – پورے ملک میں ناول کورونا وائرس (کوویڈ – 19) کے پھیلاؤ کو روکنے کے لئے لاک ڈاؤن نافذ کیا گیا ہے-

‘ایکسپریس نیوز’ کی ایک رپورٹ میں ذکر کیا گیا ہے کہ صوبہ سندھ کے ضلع میرپورخاص کے جھڈو قصبے میں ایک عورت جاں بحق ہوگئی۔ اس خاتون کے شوہر اللہ بخش نے کہا کہ لاک ڈاؤن کی وجہ سے اسے کوئی کام نہیں مل رہا تھا جس کی وجہ سے اسے اپنی فیملی جس میں 6 بچے
بھی شامل ہیں ان کے لئے کھانے کا انتظام کرنے میں دشواری کا سامنا کرنا پڑرہا تھا-

اللہ بخش نے کہا کہ ان کے پاس اپنی بیوی کو دفنانے تک کے لئے پیسے نہیں تھے۔ مقامی
رہائشیوں نے آخر کار اس کی اہلیہ کی تدفین کے لئے چندے کے ذریعے رقم اکٹھی کی۔

اس واقعے نے عمران خان کی زیرقیادت حکومت کے دعووں پر سوالات اٹھائے ہیں ، اسی طرح صوبہ سندھ کی حکومت کے لاک ڈاؤن کے دوران غریب عوام کے لئے ہر ممکن مدد فراہم کرنے کے دعوؤں پر بھی سوال اٹھا دیے ہیں۔

پاکستان کے مزدوروں میں غم و غصہ بڑھتا جارہا ہے کیونکہ لاک ڈاؤن نافذ ہونے سے قبل انھوں نے جو کام کیا تھا اس کی ادائیگی بھی نہیں کی گئی ہے۔

اس مسئلے پر مختلف شعبوں کے ورکرز اور دیگر ملازمین نے کراچی میں بڑی تعداد میں مظاہرہ کیا۔

Source : Khaleej Times
20 April 2020