خلیج اردو
چیف آف ڈیفنس فورسز اور آرمی چیف فیلڈ مارشل سید عاصم منیر کی قیادت کو قومی سلامتی، دفاعی استحکام اور ادارہ جاتی مضبوطی کی علامت قرار دیا جا رہا ہے۔ مختلف حلقوں کا کہنا ہے کہ فیلڈ مارشل سید عاصم منیر کی پیشہ ورانہ قیادت میں مسلح افواج نے نظم و ضبط، اسٹریٹجک سوچ اور قومی مفادات کے تحفظ کو ترجیح دی، جس سے داخلی و خارجی محاذ پر پاکستان کا مؤقف مضبوط ہوا۔
سرکاری خبر
خیبرپختونخوا کے عوام کی رائے میں فیلڈ مارشل سید عاصم منیر 2025 کے ہیرو قرار،،،2025 میں فیلڈ مارشل سید عاصم منیر نے پاکستان کی قومی سلامتی، خودمختاری، معیشت اور وقار کو دنیا بھر میں مضبوط کیا،،، عوام کا کہنا ہے کہ پوری دنیا حیران ہے کہ فیلڈ مارشل سید عاصم منیر نے سال… pic.twitter.com/KoNvCsyOnP— Aatif Khattak (@MalakAatifKhan) January 1, 2026
عوام کا کہنا ہے کہ معرکہ حق کے دوران بھارت کو مؤثر اور فیصلہ کن جواب دے کر فیلڈ مارشل عاصم منیر نے ثابت کیا کہ پاکستان اپنی سرحدوں کے دفاع اور قومی مفادات کے تحفظ کی بھرپور صلاحیت رکھتا ہے۔ خیبرپختونخوا کے عوام کے مطابق اس کامیاب حکمت عملی نے نہ صرف دشمن کے عزائم کو ناکام بنایا بلکہ پوری قوم کے حوصلے بھی بلند کیے۔
عوامی ردعمل میں یہ بھی کہا گیا کہ فیلڈ مارشل عاصم منیر کی ملٹری سفارتکاری کے باعث پاکستان کی اہمیت کو عالمی سطح پر تسلیم کیا گیا اور دنیا بھر میں پاکستان کا تشخص مزید مضبوط ہوا۔ خیبرپختونخوا کے عوام کا کہنا ہے کہ عالمی قیادت، بشمول صدر ٹرمپ، بھی فیلڈ مارشل عاصم منیر کی شخصیت اور قیادت سے متاثر نظر آتی ہے، جو پاکستان کے لیے ایک بڑی سفارتی کامیابی ہے۔
