خلیج اردو
پنجاب کے وزیر تعلیم سکندر حیات نے اپنے بیٹے کے سرکاری اسکول میں تعلیم حاصل کرنے پر خوشی کا اظہار کیا ہے۔ انہوں نے ٹویٹر پر کہا کہ الحمدللہ، میرا بیٹا ایک معیاری سرکاری اسکول میں پڑھتا ہے، اور ہمارے نائب قاصد کے بیٹے بھی اسی اسکول میں تعلیم حاصل کر رہے ہیں۔ ساتھ ہی انہوں نے کہا کہ ان کے اسکول کے اساتذہ کے بچے بھی ان کے بیٹے کے ہم جماعت ہیں اور وہ اس پر فخر محسوس کرتے ہیں۔
Alhamdulilah My Son Goes To a Sarkari Mayari School,
Our Naib Qasids Son Also Goes to the same school,
My Sarkari School Teachers Children Study With my Kid & Im Proud of This.Did Your children Ever go to a Sarkari school?@ImranRiazKhan 😂🙏
While You Were Busy Making Shahana… pic.twitter.com/99IcIzDrsW— Rana Sikandar Hayat (@RanaSikandarH) October 22, 2025
وزیر تعلیم نے سینئر صحافی اور یوٹیوبر عمران ریاض خان کے ایک ٹویٹ کے جواب میں سوال کیا کہ کیا آپ کے بچے کبھی سرکاری اسکول گئے؟ اس موقع پر انہوں نے طنزیہ انداز میں کہا کہ جب آپ چکوال میں شانہ فارم ہاؤس اور شکارگاہ بنانے میں مصروف تھے، میں اپنے اسکولوں کی بہتری کے لیے کام کر رہا تھا۔
سابق وزیر اعظم یوسف رضا گیلانی کے صاحبزادے اور رکن قومی اسمبلی علی موسیٰ گیلانی نے پنجاب کے وزیر تعلیم سکند حیات کے سرکاری اسکول میں اپنے بیٹے کو داخل کروانے کے فیصلے کی تعریف کرتے ہوئے کہا کہ میں سکندر حیات کو ایچیسن کالج کے GWYN ہاؤس کے دنوں سے جانتا ہوں اور کبھی نہیں سوچا تھا کہ وہ اپنا بیٹا سرکاری اسکول میں بھیجیں گے، لیکن میں اس پر بہت فخر محسوس کر رہا ہوں۔ علی موسیٰ گیلانی نے مزید کہا کہ ایک وزیر اور ایچیسنیائی ہونے کے ناطے وہ آسان راستہ اپنا سکتے تھے، لیکن انہوں نے مراعات پر مثال کو ترجیح دی۔
I’ve known @RanaSikandarH since our days in GWYN House, Aitchison College. Never thought I’d see the day he’d put his son in a government school, but I couldn’t be prouder. As a minister and aitchisonian, he could’ve chosen the easy way. Instead, he chose example over privilege. https://t.co/aXnP1PfcuS
— Syed Ali Musa Gillani (@SyedMusaGillani) October 22, 2025
